Election Exit Poll 2022 : पाच राज्यांमध्ये (उत्तरप्रदेश, पंजाब, उत्तराखंड, गोवा, मणिपूर) झालेल्या निवडणुकांचे निकाल 10 मार्च रोजी येतील.
थोड्याच वेळात एक्झिट पोल (EXIT POLL) बाहेर येऊ लागतील. ज्यामुळे निकालांचे चित्र नक्कीच स्पष्ट होईल.
हे Live Update पेज आहे, लेटेस्ट अपडेट्स साठी पेज रिफ्रेश करता रहा…Last Updated On 7.32 PM
assembly election exit poll 2022 –
योगी आदित्यनाथ सरकार वाचवण्यात यशस्वी
उत्तर प्रदेश विधानसभा निवडणूक २०२२ चे एक्झिट पोल आले आहेत. बहुतेक एक्झिट पोल यूपीमध्ये योगी आदित्यनाथ सरकारच्या पुनरागमनाचा अंदाज वर्तवत आहेत.
सीएनएन न्यूज 18 चा एक्झिट पोल
सीएनएन न्यूज 18 ने यूपीच्या एक्झिट पोलमध्ये भाजप सरकार स्थापन होण्याची शक्यता वर्तवली आहे. भाजप आघाडीला 240 जागा मिळतील असे सांगितले जात आहे. समाजवादी पक्षाला 140 जागा मिळण्याची शक्यता आहे. बसपाला १७ जागा मिळतील, असा अंदाज वर्तवण्यात आला आहे.
ईटीजी रिसर्चच्या एक्झिट पोलनुसार यूपीमध्ये भाजप+ला 230-245 जागा मिळतील तर एसपी+ला 150-165 जागा मिळतील.
Newsx-Polstrat चा एक्झिट पोल भाजपा+ 211-225 जागा आणि SP+ 146-160 जागा देत आहे.
रिपब्लिक टीव्ही
रिपब्लिक टीव्हीने मॅट्रिझसह एक्झिट पोल डेटा जारी केला आहे. यूपीमध्ये भाजप आघाडीला 262 ते 277 जागा मिळण्याचा अंदाज आहे. म्हणजेच योगी आदित्यनाथ सरकार वाचवण्यात यशस्वी ठरतील. सपा आघाडीला 119-134 जागा मिळण्याची शक्यता आहे. बसपाला 7 ते 15 जागा मिळू शकतात. काँग्रेसची खराब कामगिरी यावेळीही कायम राहण्याची शक्यता आहे.
पंजाबमध्ये काँग्रेसच्या इच्छेवर ‘आप’चा झाडू
पंजाबमध्ये काँग्रेसची मतांची टक्केवारी 28 टक्के आहे. त्याचवेळी भाजपला 7 टक्के मते मिळू शकतात. अकाली दलाला 19 टक्के मते मिळण्याची शक्यता आहे. पंजाबमध्ये आम आदमी पक्षाला सर्वाधिक मते मिळण्याची अपेक्षा आहे.
‘आप’ला 41 टक्के मते मिळण्याची शक्यता आहे. अशा स्थितीत आम आदमी पक्षाच्या खात्यात 79-90 जागा येऊ शकतात. त्याच वेळी, काँग्रेसला 19 ते 31 जागा मिळू शकतात.
पंजाब एक्झिट पोल
C व्होटर सर्वेक्षण – कोणाला किती मते आहेत?
एकूण जागा – 117
- काँग्रेस – 27%
- अकाली दल – 21%
- आम आदमी – 39%
- भाजप- 9%
- इतर – 4%
काँग्रेस उत्तराखंडमध्ये सर्वात मोठा पक्ष !
एबीपी-सी व्होटर एक्झिट पोलमध्ये काँग्रेस उत्तराखंडमध्ये सर्वात मोठा पक्ष म्हणून उदयास येत आहे. येथे काँग्रेसला 32 ते 38 जागा मिळण्याची शक्यता आहे. त्याचबरोबर 26 ते 32 जागा भाजपच्या खात्यात जाऊ शकतात. ‘आप’चे खातेही येथे उघडता येईल. AAP दोन जागा जिंकेल अशी अपेक्षा आहे.
गोव्यात कोणालाच बहुमत नाही, काँग्रेस सर्वात मोठा पक्ष होऊ शकतो !
- भाजपला 13-18 जागा मिळू शकतात
- काँग्रेसला 14-19 जागा मिळण्याची शक्यता आहे
- महाराष्ट्र गोमंतक पक्ष अर्थात एमजीपीला 2-5 जागा मिळण्याची शक्यता आहे.
- आम आदमी पक्षाला 1-3 जागा मिळू शकतात
- तर इतरांना 1-3 जागा मिळण्याची शक्यता आहे.