अहमदनगर Live24 टीम, 23 जानेवारी 2021 :-कर्नाटकात रजिस्ट्रेशन झाल्यावर इलेक्ट्रिक कार बनविणारी अमेरिकन कंपनी टेस्ला भारतात दाखल झाली आहे. दरम्यान, टेस्लाचे मुख्य कार्यकारी अधिकारी एलोन मस्क यांनी एक मोठी घोषणा केली आहे.
इलोन मस्कने सर्वोत्तम कार्बन कॅप्चर तंत्रज्ञानासाठी 10 करोड़ डॉलर अर्थात 730 कोटी रुपयांचे बक्षीस जाहीर केले आहे. लवकरच मस्कने ट्विटरवर अन्य तपशील देण्याविषयी सांगितले आहे. कार्बन उत्सर्जन कपात वर युद्धपातळीवर काम केले जात असताना एलन मस्क यांनी ही घोषणा केली.
कार्बन कॅप्चर तंत्रज्ञान म्हणजे वातावरणात उपस्थित कार्बनला शोषून घेणारे तंत्रज्ञान होय. जो कोणी हे उत्तम तंत्रज्ञान बनवेल त्याला मस्क 10 करोड़ डॉलर अर्थात 730 कोटी रुपयांचे बक्षीस देणार आहेत. अलीकडेच टेस्लाने बेंगळुरूमधील पहिले कार्यालय रजिस्टर्ड केले आहे.
टेस्ला मोटर इंडिया मोटर्स अँड एनर्जी प्रायव्हेट लिमिटेड या नावाने याचे रजिस्ट्रेशन केले आहे. ज्याची मूळ कंपनी टेस्ला मोटर्स एम्सटर्डम आहे. कंपनीचे भारतात वैभव तनेजा, व्यंकटरंगम श्रीराम आणि डेव्हिड जॉन फेंस्टीन यांचे संचालक आहेत. असे मानले जाते की नवीन आर्थिक वर्षाच्या दुसर्‍या तिमाहीत टेस्ला भारतीय बाजारात मॉडेल 3 बाजारात आणू शकेल.
तथापि कंपनीकडून याबाबत कोणतीही अधिकृत माहिती देण्यात आलेली नाही.
जगातील सर्वात श्रीमंत माणूस:- टेस्लाचे मुख्य कार्यकारी अधिकारी एलन मस्क जगातील सर्वात श्रीमंत व्यक्ती आहेत. ब्लूमबर्ग बिलेनियर इंडेक्सनुसार, एलन मस्कची एकूण मालमत्ता 201 बिलियन डॉलर्स पेक्षा जास्त आहे. एलोन मस्क नंतर दुसर्‍या स्थानावर Amazon चा मालक जेफ बेझोस आहे. त्यांची एकूण मालमत्ता 193 अब्ज डॉलर्स आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved