अहमदनगर Live24 टीम, 28 डिसेंबर 2021 :- राज्यातील करोनाचा वाढता प्रादुर्भाव लक्षात घेता नव्या निर्बंधानुसार रात्री 9 ते सकाळी 6 जमावबंदी लागू करण्यात आली आहे.(saibaba)
यामुळे 31 डिसेंबर रोजी रात्री 9 ते सकाळी 6 या वेळेत श्री साईबाबांचे समाधी मंदिर दर्शनासाठी बंद ठेवण्यात येणार आहे. दरम्यान राज्य शासनाने 7 ऑक्टोबरपासून काही अटी-शर्तीवर धार्मिकस्थळे खुली करण्याचे आदेश दिलेले होते.
त्यानुसार श्री साईबाबांचे मंदिर भाविकांच्या दर्शनासाठी खुले करण्यात आलेले होते. परंतु सध्या देशात व राज्यात करोना विषाणूचा ओमायक्रॉन या व्हेरियंटचा वाढता धोका लक्षात घेता 25 डिसेंबर 2021 रोजी पासून रात्री 9 ते सकाळी 6 जमावबंदी लागू केलेली आहे.
त्याअनुषंगाने संस्थानच्यावतीने रात्री साईबाबांचे समाधी मंदिर दर्शन व आरतीसाठी भाविकांना बंद ठेवण्यात येणार असल्यामुळे चालू वर्षाला निरोप व नवीन वर्षाचे स्वागतानिमित्त 31 डिसेंबर रोजी रात्रीही श्री साईबाबांचे समाधी मंदिर दर्शनासाठी बंद राहणार आहे. याबाबतची माहिती संस्थानच्या मुख्य कार्यकारी अधिकारी भाग्यश्री बानायत यांनी दिली.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम