यशवंतराव चव्हाण द्रुतगती मार्गावर हायवे ट्रॅफिक मॅनेजमेंट सिस्टिमअंतर्गत पुणे वाहिनीवर मडप बोगदा व खालापूर टोल प्लाझा दरम्यान गॅन्ट्री उभारण्याचे काम महाराष्ट्र राज्य रस्ते विकास महामंडळामार्फत गुरुवार, २१ डिसेंबर रोजी दुपारी १२ ते दुपारी २ वाजेदरम्यान करण्यात येणार आहे.
या कालावधीत सर्व प्रकारच्या वाहनांची (हलकी तसेच जड-अवजड वाहने) वाहतूक पूर्णतः बंद राहणार आहे. वाहनधारकांना पर्यायी मार्गाने प्रवास करता येईल.
मुंबईहून पुण्याकडे जाणारी हलकी वाहने (कार) शेडुंग फाटा येथून वळवून एन.एच. ४ जुना मुंबई-पुणे महामार्गावरून शिंग्रोबा घाटातून मॅजिक पॉइंट कि.मी. ४२.००० येथून पुन्हा द्रुतगती महामार्गावरील पुणे वाहिनीवर मार्गस्थ करण्यात येणार असल्याची माहिती महाराष्ट्र राज्य रस्ते विकास महामंडळाने दिली आहे.