Best Cars : कार घेण्याची हौस प्रत्येकाला असते. मात्र गाड्यांच्या किंमती पहाता सर्वसामान्यांना त्या घेणे शक्य होत नाही. अशा वेळी तुम्ही तुमच्या कुटुंबासाठी कमी किंमतीतील कार घेऊ शकता. या वाहनांची सुरुवातीची किंमत ₹ 3.39 लाख पासून सुरू होते. सविस्तर कारविषयी जाणून घ्या.
मारुती सुझुकी अल्टो (Maruti Suzuki Alto)
या जबरदस्त बजेट कारला BS6 नॉर्म्ससह सुसज्ज 0.8 लीटर 3 सिलेंडर पेट्रोल इंजिन देण्यात आले आहे. सीएनजी मोडवर चालणारे हे इंजिन ४१ पीएस पॉवर आणि ६० एनएम टॉर्क देते.
मारुती अल्टो 800 च्या वैशिष्ट्यांबद्दल बोलायचे तर, यात 7-इंचाची टचस्क्रीन इन्फोटेनमेंट सिस्टम आहे जी Android Auto आणि Apple CarPlay शी कनेक्ट केली जाऊ शकते. यात कीलेस एंट्री आणि फ्रंट पॉवर विंडो देखील मिळतात. प्रवाशांच्या सुरक्षेच्या दृष्टीने ड्रायव्हर साइड एअरबॅग, रियर पार्किंग सेन्सर्स, एबीएस विथ ईबीडी यांसारखी वैशिष्ट्ये देण्यात आली आहेत.
किंमत- 3.39 लाख रुपये (एक्स-शोरूम, दिल्ली) ते 5.03 लाख
मायलेज- पेट्रोलवर 22.05 kmpl ते CNG वर 31.59 kmpg
मारुती सुझुकी सेलेरियो (Maruti Suzuki Celerio)
नवीन Celerio नवीन K10C DualJet 1.0-लीटर तीन-सिलेंडर पेट्रोल इंजिनद्वारे समर्थित आहे. हे स्टार्ट/स्टॉप सिस्टमसह येते. हे इंजिन ६६ एचपी पॉवर आणि ८९ एनएम टॉर्क जनरेट करते. हे सध्याच्या मॉडेलपेक्षा 2 hp पॉवर आणि 1 Nm टॉर्क कमी जनरेट करते.
इंजिन 5-स्पीड मॅन्युअल आणि 5-स्पीड AMT गिअरबॉक्सशी जोडलेले आहे. ऑटोमॅटिक ट्रान्समिशन त्याच्या LXI प्रकारात उपलब्ध होणार नाही. या कारमध्ये ड्युअल एअरबॅग्ज, EBD सह ABS, हिल होल्ड असिस्ट (फर्स्ट-इन सेगमेंट) अशी एकूण 12 सुरक्षा वैशिष्ट्ये मिळतील.
कंपनीचा दावा आहे की नवीन Celerio फ्रंटल-ऑफसेट, साइड क्रॅश आणि पादचारी सुरक्षा यासारख्या सर्व भारतीय सुरक्षा नियमांचे पालन करते. सॉलिड फायर रेड आणि स्पीडी ब्लू यासह आर्क्टिक व्हाइट, सिल्की सिल्व्हर, ग्लिस्टेनिंग ग्रे, कॅफिन ब्राऊन, रेड आणि ब्लू यासह 6 रंगांमध्ये ते उपलब्ध असेल.
किंमत – 5.25 लाख ते 7 लाख (एक्स-शोरूम, दिल्ली)
मायलेज – पेट्रोलमध्ये 26.68 kmpl आणि CNG मध्ये 35.60 kmpg
मारुती सुझुकी एस-प्रेसो (Maruti Suzuki S-Preso)
मारुती मायक्रो SUV मध्ये 998cc इंजिन आहे जे 58.33 bhp पॉवर आणि 78 Nm चा पीक टॉर्क जनरेट करते. कंपनीने या इंजिनचे मॅन्युअल ट्रान्समिशन दिले आहे. हे CNG मॉडेलमध्ये देखील येते. या कारमध्ये मल्टी-फंक्शन स्टीयरिंग व्हील, टचस्क्रीन इन्फोटेनमेंट सिस्टम, अँटी-लॉक ब्रेकिंग सिस्टम, फ्रंट सीटवर ड्युअल एअरबॅग्ज, पॉवर स्टीयरिंग, एअर कंडिशनर यांसारखी वैशिष्ट्ये देण्यात आली आहेत.
किंमत- 3.99 लाख (एक्स-शोरूम, दिल्ली) ते 5.64 लाख
मायलेज – पेट्रोल 21.7 kmpl, CNG प्रकार 31.2 kmpg
टाटा टियागो (Tata Tiago)
Tata Tiago ला ग्लोबल Ncap क्रॅश चाचणीत 4 स्टार रेटिंग मिळाले आहे. Tata Tiago एकूण 10 प्रकारांमध्ये येते, ज्यात XE, XT(O), XT, XTA, XZ, XZA, XZ+, XZ+ DT, XZA+ आणि XZA+ DT यांचा समावेश आहे. टाटा टियागोमध्ये आवश्यक सर्व वैशिष्ट्ये उपलब्ध आहेत.
यात 15-इंच अलॉय व्हील, वायपरसह मागील डिफॉगर, ऍपल कारप्ले आणि अँड्रॉइड ऑटो सपोर्टसह 7-इंच टचस्क्रीन इन्फोटेनमेंट सिस्टम, हरमनची 8-स्पीकर साउंड सिस्टम, ऑटोमॅटिक क्लायमेट कंट्रोल आणि थंड ग्लोव्हबॉक्स यांसारखी वैशिष्ट्ये आहेत. कारच्या AMT व्हेरियंटमध्ये क्रिप फंक्शन आणि ‘स्पोर्ट’ मोडसह काही अतिरिक्त वैशिष्ट्ये आहेत.
त्याच्या पेट्रोल व्हर्जनमध्ये 1.2 लीटर रेव्होट्रॉन इंजिन आहे. हे इंजिन 84 bhp आणि 115 Nm टॉर्क निर्माण करेल. गीअर ट्रान्समिशनसाठी 5-स्पीड मॅन्युअल गिअरबॉक्स देण्यात आला आहे. दुसरीकडे, डिझेल आवृत्तीमध्ये 1.05-लिटर 3-सिलेंडर रेव्होटोर्क इंजिन आहे, जे 69 bhp आणि 140 Nm टॉर्क निर्माण करेल.
किंमत – 5.39 लाख रुपये एक्स-शोरूम, दिल्ली पासून सुरू
मायलेज- पेट्रोल 23.84 kmpl, डिझेल 27.28 kmpl