नवी दिल्ली: टाटा मोटर्सने (Tata Motors) नुकतीच ५०० किमी पेक्षा जास्त अंतर असलेली वाहने लॉन्च (launch) करण्याची घोषणा केली आहे. ही योजना २०२५ पर्यंत कार्यान्वित केली जाईल.
आगामी काळात, टाटा क्रुव्ह आणि टाटा अविन्या इलेक्ट्रिक एसयूव्ही सारख्या मध्यम आकाराच्या कूप एसयूव्ही बाजारात येतील. कंपनीने त्याचे कॉन्सेप्ट मॉडेल दाखवले आहे. त्यातच आता अलीकडेच, Tata Safari हिरव्या परवाना प्लेटसह (green license plate) दिसली आहे, जी तिचे इलेक्ट्रिक व्हेरियंट लॉन्च (Electric variant launch) करण्याचे सूचित करते.
मात्र, याच्या लॉन्चबाबत कोणतीही अधिकृत माहिती देण्यात आलेली नाही. त्यामुळेच कंपनी सफारीचे इलेक्ट्रिक मॉडेल लॉन्च करणार आहे हे सांगणे फार कठीण आहे.
सध्या, Tata Safari ला 2.0-liter Kryotech डिझेल इंजिन मिळते. हे इंजिन 168 bhp पॉवर आणि 350 Nm टॉर्क जनरेट करते. कार निर्माता गेल्या काही काळापासून सफारीच्या पेट्रोल प्रकाराची चाचणी करत आहे. एसयूव्हीचे नवीन पेट्रोल मॉडेल 6-स्पीड मॅन्युअल आणि ऑटोमॅटिक गिअरबॉक्स पर्यायांसह सादर केले जाईल.
यामध्ये टाटा नवीन 1.5 लीटर टर्बोचार्ज केलेले इंजिन वापरणार आहे. हे Nexon मधील 1.2-लीटर टर्बो पेट्रोल इंजिनपेक्षा अधिक शक्तिशाली असणार आहे. Tata Safari चे पेट्रोल इंजिन 160 bhp पॉवर आणि 250 Nm टॉर्क देऊ शकते.
पेट्रोल व्हेरियंट लवकरच लाँच होणार
कंपनी प्रथम Tata Altroz हॅचबॅक आणि Tata Punch SUV चे इलेक्ट्रिक व्हर्जन लॉन्च करू शकते. अद्ययावत Ziptron इलेक्ट्रिक तंत्रज्ञानासह Altroz EV लाँच करणे हे टाटाकडून सर्वात मोठे लॉन्च असू शकते. टाटा आपली अतिशय लोकप्रिय टाटा हॅरियर एसयूव्ही फेसलिफ्ट आवृत्तीमध्ये लॉन्च करू शकते.
या फेसलिफ्टेड व्हर्जनमध्ये 360-डिग्री कॅमेरा, अपडेटेड इन्फोटेनमेंट सिस्टम, डिजिटल इन्स्ट्रुमेंट क्लस्टर, अॅम्बियंट लाइटिंग आणि इलेक्ट्रॉनिक पार्किंग ब्रेक दिले जाऊ शकतात. ADAS (Advance Driving Assistance System) सह SUV लाँच केली जाईल.