Electric Scooters : वाहन उत्पादकांनी ऑगस्टमध्ये केलेल्या विक्रीचे आकडे जाहीर केले आहेत. इलेक्ट्रिक टू-व्हीलर उत्पादकांच्या विक्रीचे आकडेही आले आहेत. जर आपण विक्रीच्या बाबतीत टॉप-5 कंपन्यांबद्दल बोललो तर यामध्ये Hero Electric, Ampere, Okinawa, Ather Energy आणि TVS यांचा समावेश आहे. ओला इलेक्ट्रिक या यादीतून बाहेर आहे. हिरो इलेक्ट्रिक या यादीत पहिल्या क्रमांकावर आहे. एकट्या हिरो इलेक्ट्रिकने 10,476 युनिट्स विकल्या आहेत. यात ओकिनावा क्रमांक दोन आणि अँपिअर तिसऱ्या क्रमांकावर आहे. त्यांच्या विक्रीचे आकडे पुढीलप्रमाणे…
हिरो इलेक्ट्रिक
इलेक्ट्रिक स्कूटरच्या सर्वाधिक विक्री करणाऱ्या कंपन्यांच्या यादीत हिरो इलेक्ट्रिकने पहिला क्रमांक पटकावला आहे. Hero Electric ने ऑगस्ट 2022 मध्ये 10,476 युनिट्सची विक्री केली आहे. जुलै 2022 मध्ये ही सर्वात जास्त विकली जाणारी इलेक्ट्रिक स्कूटर कंपनी होती. कंपनी भारतात इलेक्ट्रिक Optima CX, इलेक्ट्रिक NYX HS500, इलेक्ट्रिक फोटॉन LP आणि Hero Eddy सारखी मॉडेल्स विकते.
ओकिनावा
या यादीत ओकिनावा दुसऱ्या क्रमांकावर आहे. ही देशातील दुसरी सर्वात मोठी इलेक्ट्रिक स्कूटर विकणारी कंपनी आहे. जुलै 2022 मध्ये 8,093 युनिट्सच्या तुलनेत ऑगस्ट 2022 मध्ये 8,554 युनिट्सची विक्री झाली आहे. म्हणजेच जुलैच्या तुलनेत ऑगस्टमध्ये विक्रीत वाढ झाली आहे. हायस्पीड सेगमेंटमध्ये ओखी-90, प्रेझप्रो, iPraise, रिज सारखी मॉडेल्स आहेत. त्याच वेळी, कमी गती विभागात R30, Dual आणि Lite आहेत.
अँपिअर
ऑगस्ट २०२२ मध्ये (भारतात) तिसरी सर्वात मोठी इलेक्ट्रिक स्कूटर विकणारी कंपनी आहे. अँपिअरने ऑगस्ट 2022 मध्ये 6,392 युनिट्सची विक्री केली आहे जी जुलै 2022 मध्ये 6,312 युनिट्सची होती. त्याच्या विक्रीत थोडी वाढ झाली आहे. Ampere चे Magnus EX आणि Reo Plus सारखे मॉडेल्स विक्रीसाठी उपलब्ध आहेत.
एथर एनर्जी
ऑगस्ट 2022 मध्ये, Ather Energy ने विक्रीच्या बाबतीत फायदा मिळवला आणि सर्वाधिक इलेक्ट्रिक स्कूटर विकणाऱ्या टॉप-5 कंपन्यांमध्ये ती होती. Ather ने ऑगस्टमध्ये एकूण 5,239 युनिट्सची विक्री केली. त्याची 450X, 450 Plus मॉडेल्स भारतात येतात. कंपनीने अलीकडे Ather 450X Gen 3 इलेक्ट्रिक स्कूटर देखील लॉन्च केली आहे.
TVS
या यादीत TVSचा देखील समावेश आहे, कंपनीने ऑगस्टमध्ये एकूण 4,418 युनिट्सची विक्री केली आहे. TVS iQube गेल्या वर्षी जुलैमध्ये लॉन्च करण्यात आली होता.