Xiaomi : सध्या इलेक्ट्रिक मार्केटमध्ये एकापेक्षा एक वाहने आपली जागा मजबूत करताना दिसत आहेत, अशातच इलेक्ट्रॉनिक्स मार्केटमध्ये चिनी कंपनी Xiaomi ने नुकतीच आपली पहिली SU7 इलेक्ट्रिक कार लॉन्च केली आहे. कंपनीची ही कार थेट टेस्ला आणि BYD या दिग्गजांशी स्पर्धा करताना दिसेल. कंपनीने SU7 इलेक्ट्रिक कार 215,900 युआन(24.90 लाख रुपये) मध्ये सादर केली आहे.
कंपनीने ही कार उत्कृष्ट कामगिरी आणि प्रगत वैशिष्ट्यांसह सादर केली आहे. Xiaomi EV ची डिलिव्हरी देखील सुरू झाली आहे. ग्राहकांच्या सोयीसाठी, Xiaomi ने चीनमधील 29 शहरांमध्ये 59 स्टोअर उघडले आहेत. Xiaomi SU7 इलेक्ट्रिक सेडान त्याच्या स्पोर्टी डिझाइनमुळे खूपच आकर्षक दिसते. Xiaomi चे हे नवीनतम मॉडेल 9 शेड्स आणि 3 प्रकारांमध्ये उपलब्ध आहे.
त्याच्या डिझाइनबद्दल बोलायचे झाल्यास त्यामध्ये एंट्री-लेव्हल व्हेरिएंट, प्रो व्हेरिएंट आणि मॅक्स व्हेरिएंट समाविष्ट आहे. Xiaomi SU7 च्या परिमाणांबद्दल बोलायचे झाल्यास, या इलेक्ट्रिक सेडानची लांबी 4,997 मिमी, रुंदी 1,963 मिमी, उंची 1,455 मिमी आणि व्हीलबेस 3,000 मिमी आहे. तसेच यात तुम्हाला १९ इंची अलॉय व्हील्स देण्यात आले आहेत.
याशिवाय, SU7 मध्ये 517 लीटरची बूट स्पेस आहे. Xiaomi च्या मते, SU7 मध्ये 400 मीटरच्या दृश्यमानतेच्या अंतरासह LED हेडलाइट्स आहेत. याशिवाय कारमध्ये 56-इंचाचा मोठा हेड-अप डिस्प्ले आहे.
वैशिष्ट्यांबद्दल बोलायचे झाल्यास, Xiaomi SU7 मध्ये 16-इंचाचे मोठे इंफोटेन्मेंट युनिट आहे. याशिवाय, मॉडेलमध्ये पूर्णपणे डिजिटल ड्रायव्हर डिस्प्ले आणि 2 Xiaomi Pad 6S Pro टॅब्लेट देखील आहेत.
बॅटरीबद्दल बोलायचे झाल्यास, Xiaomi SU7 EV च्या एंट्री-लेव्हल व्हेरिएंटमध्ये 73.6 kWh बॅटरी पॅक आहे, तर टॉप व्हेरिएंटमध्ये 101 kWh बॅटरी पॅक आहे. कंपनीच्या मते, बॅटरी एका चार्जवर किमान 700 किलोमीटरची रेंज देईल.
तर Xiaomi SU7 EV च्या टॉप मॅक्स एडिशनचा टॉप स्पीड 265Kmph आहे. ही इलेक्ट्रिक कार केवळ 2.78 सेकंदात 0-100 किमी प्रतितास वेग पकडण्यास सक्षम आहे. ही EV एका चार्जवर 810 किमी पर्यंतची रेंज देईल. Xiaomi SU7 EV चे दोन्ही प्रकार अल्ट्रा फास्ट चार्जिंग सपोर्टसह येतात. त्याची 486V आर्किटेक्चर EV ला केवळ 15 मिनिटांच्या चार्जिंगमध्ये 350 किलोमीटरची श्रेणी वितरित करण्यास अनुमती देते.
Xiaomi आधी मोबाईल मार्केटमध्ये कार्यरत होती, मात्र आता कपंनीने ऑटोमार्केटमध्ये देखील एंट्री केली आहे. तसेच आपली छाप सोडण्यासाठी देखील कपंनी तयार आहे.