राहुरी :- मुळा धरणावर नव्याने सुरू झालेल्या मत्स्यपालन केंद्राजवळील पाण्यात ४२ वर्षांच्या महिलेने आत्महत्या केली. या घटनेमुळे मुळा धरणाची सुरक्षा रामभरोसे असल्याचे पुन्हा स्पष्ट झाले.
ही महिला राहुरीच्या करपे इस्टेट येथील सविता देठे असल्याचे समजते. शवविच्छेदनानंतर मृतदेह नातेवाईकांच्या ताब्यात देण्यात आला. आत्महत्येचेे कारण समजले नाही.
मंगळवारी दुपारी सव्वाच्या सुमारास मुळा धरणावरील नगर एमआयडीसी उपसा केंद्राच्या परिसरात असलेल्या मत्स्यपालन केंद्राजवळ ही घटना घडली.
एमएच १५ एफजी १६७९ या दुचाकीवर ही महिला धरणावर आली. हातातील मोबाइल पाण्यात फेकून देत या महिलेने पाण्यात उडी मारली.
हा प्रकार परिसरातील मच्छिमारांनी पाहिला. मारूती गायकवाड, सुनील माळी, साहेबराव जाधव, करण परदेशी, दत्तात्रेय वायसे, नाना पवार, राजू सोनवणे, गणेश मोरे यांनी घटनास्थळी धाव घेऊन पाण्यात बुडालेल्या महिलेचा शोध घेतला.
पावणेदोनच्या सुमारास मृतदेह हाती लागला. मृतदेह बाहेर काढल्यानंतर घटनास्थळी मोठी गर्दी जमली. मुळानगरचे माजी सरपंच अंकुश बर्डे यांनी या घटनेची माहिती पोलिसांना कळवली.
मात्र, दुपारी ३ पर्यंत या भागात नियुक्ती असलेले पोलिस फिरकले नाहीत. साडेतीन वाजेपर्यंत या महिलेची ओळख पटू शकली नव्हती.
संध्याकाळी उशिरा महिलेचे नाव समजले. या महिलेच्या पर्समध्ये आणखी दोन मोबाइल आढळून आले. आत्महत्येचे नेमके कारण समजू शकले नाही.
- Ahmednagar Breaking : विश्वस्तांच्या खोटया सह्या करत बँकेत कर्ज प्रकरण, नगरच्या डॉक्टरांनी बनावट कागदपत्रांद्वारे केली साडेआठ कोटींची फसवणूक
- पारनेर तालुका शिवसेनेची शनिवारी बैठक जिल्हाप्रमुख शशिकांत गाडे यांची उपस्थिती तालुकाप्रमुख डॉ.श्रीकांत पठारे यांची माहिती
- आमदार असताना पावने पाच वर्षात शेतकऱ्यांचे किती प्रश्न विधानसभेत मांडले, खा. सुजय विखे यांचा परखड सवाल
- Ahmednagar News : रात्री लक्ष्मी देवीच्या यात्रेत खून ! छबिन्यात सात ते आठ जणांनी टाकला डाव, अहमदनगरमधील घटना
- Breaking : निवडणुकांच्या धामधुमीत आमदाराच्या कुटुंबाचा भीषण अपघात ! चौघे ठार