Successful Farmer : गेल्या काही वर्षांपासून शेतीमध्ये (Farming) सातत्याने नुकसान सहन कराव लागत असल्याने नवयुवक शेतकरी (Farmer) पुत्र आता शेती पासून दुरावत असल्याचे चित्र आहे. मात्र असे असले तरी भारतातील तरुण पिढीला हळूहळू का होईना शेतीचे महत्त्व समजू लागले आहे.
आता नवयुवक सुशिक्षित शेतीमध्ये काळाच्या ओघात बदल करत लाखों रुपयांची कमाई (Farmer Income) करत आहेत. आता देश-विदेशातून शिक्षण घेऊन तरुण आपल्या मायदेशी परतून शेती व्यवसायात (Farming Business) पदार्पण करत आहेत. याचे उत्तम उदाहरण समोर आले आहे ते मध्यप्रदेश मधून.
मध्यप्रदेश येथील भोपाळच्या हर्षित गोधा यांनी विदेशात शिक्षण घेऊन आपल्या मायदेशी परतत शेतीमध्ये लाखोंची कमाई करण्याची किमया साधली आहे. हर्षित यांनी यूकेमधून पदवी पूर्ण केल्यानंतर इस्रायली तंत्राने एवोकाडो फार्मिंग (Avocado Farming) करण्याचा निर्णय घेतला. यासाठी हर्षितने इस्रायलच्या शास्त्रज्ञांकडून प्रशिक्षणही घेतले आणि आज भोपाळमध्ये एवोकाडोची व्यावसायिक शेती करत असून इतर शेतकऱ्यांसाठी मार्गदर्शक ठरत आहेत.
इस्रायली तंत्रज्ञान वापरून शेती केली बर
मित्रांनो आम्‍ही तुम्‍हाला सांगू इच्छितो की एवोकॅडो हे एक विदेशी फळ आहे, जे भरपूर पौष्टिकतेसोबतच उत्‍पन्‍नाचाही मोठा स्रोत आहे. आज भोपाळचे हर्षित गोधा आपल्या पाच एकर शेतात सुमारे 1800 रोपे लावून एवोकाडोची लागवड करत आहेत. यासाठी त्यांनी इस्रायली तंत्रज्ञानासह संपूर्ण सेटअपही तयार केला आहे. हर्षितने आपला कौटुंबिक व्यवसाय सोडून एवोकाडोची लागवड केली आणि आता तो सोशल मीडियाच्या माध्यमातून देशातील तरुणांना शेती करण्यासाठी प्रोत्साहन देत आहे.
किती खर्च येतो
हर्षित यांच्या मते शेतीमधला हा प्रवास तितकासा सोपा नव्हता. त्यांना सुरुवातीला शेती करताना अनेक समस्यांना सामोरे जावे लागले आहे. हर्षित सांगतात की, 2019 मध्ये त्यांनी एवोकॅडोच्या लागवडीसाठी काही रोपे आयात केली होती, जी कायदेशीर प्रक्रियेमुळे भारतात येऊ शकली नाहीत. त्यानंतर गतवर्षी जुलै 2021 मध्ये 1800 रोपे घेऊन शेतीला सुरुवात केली. इस्रायली तंत्रज्ञानाने एवोकाडोच्या लागवडीसाठी सुमारे 40 लाख रुपये खर्च करण्यात आले, त्यानंतर त्यांना दरवर्षी 7 ते 8 लाख रुपयांचे उत्पन्न मिळत आहे.
अशी काळजी घ्यावी लागते बर
हर्षित गोधा सांगतात की, एवोकॅडोची झाडे संपूर्ण वर्षभर संतुलित वातावरणात ठेवावी लागतात, जेणेकरून ते माती आणि हवामानानुसार स्वतःला जुळवून घेतात. यानंतर ते शेतात लावले जातात. संरक्षित संरचनेत एवोकाडोच्या लागवडीसाठी ठिबक सिंचन पद्धतीचा वापर केला जातो, ज्यामुळे पाण्याचा थेंब थेंब सुयोग्य वापर होतो.
40 वर्षांसाठी लाखोंचा नफा मिळणार
आम्‍ही तुम्‍हाला सांगू इच्छितो की एवोकॅडो हे एक सुपरफूड आहे, ज्याला भारतासोबतच परदेशातही खूप मागणी आहे. भारतात त्याची लागवड अजूनही फार कमी प्रमाणात केली जात आहे, त्यामुळे त्याची किंमत खूप जास्त आहे. आगामी काळात याला खूप मागणी असेल, ज्यामुळे तुम्ही भारतात अॅव्होकॅडोची लागवड करून पुढील 40 ते 50 वर्षे भरघोस नफा मिळवू शकता. एका अंदाजानुसार, त्याची लागवड करून वर्षभरात 6 ते 8 लाखांचे उत्पन्न मिळू शकते.