7th Pay Commission : केंद्र सरकार (Central Government) उद्यापासून म्हणजेच १ जुलैपासून केंद्रीय कर्मचारी (Central staff) आणि पेन्शनधारकांना (Central Employees Pensioners) पुन्हा एकदा महागाई भत्ता वाढीची भेट देऊ शकते.
अहवालानुसार, जुलैमध्ये केंद्रीय कर्मचाऱ्यांच्या महागाई भत्त्यात (DA) आणि पेन्शनधारकांच्या महागाई सवलतीमध्ये (DR) ६ टक्क्यांनी वाढ होऊ शकते. जर डीएमध्ये ६ टक्के वाढ झाली तर तुमचा पगार सुमारे 41,000 रुपयांनी वाढेल.
सध्या केंद्रीय कर्मचार्‍यांना ३४ टक्के दराने डीए मिळत आहे, जर सरकारने जुलैमध्ये डीए ६ ने वाढवला तर तो ४० टक्क्यांपर्यंत वाढू शकतो. यामुळे केंद्रीय कर्मचाऱ्यांच्या पगारात 12,960 रुपयांवरून 40,968 रुपयांपर्यंत वाढ होऊ शकते. सरकारने कोणतीही पुष्टी केली नसली तरी AICPI निर्देशांक 2022 वरून हा अंदाज वर्तवण्यात आला आहे.
अखिल भारतीय ग्राहक मूल्य निर्देशांकाच्या आधारे सरकार जुलैमध्ये डीए 6 टक्क्यांनी वाढवू शकते असे सांगण्यात येत आहे. एआयसीपी इंडेक्सच्या आकडेवारीनुसार, जानेवारी महिन्यात हा आकडा 125.1 होता, तर फेब्रुवारीमध्ये तो 125 वर होता.
तर मार्चमध्ये ते १२६ पर्यंत वाढले. त्याचवेळी एप्रिलमध्ये AICPI निर्देशांक 127.7 अंकांवर खाली आला आहे. त्यात १.३५ टक्के वाढ झाली असून, आता मे महिन्याचा आकडा येत आहे. मे महिन्यातही हा आकडा वाढला तर डीएमध्ये ६ टक्क्यांनी वाढ होऊ शकते.
आगामी काळात महागाई भत्ता ६ टक्क्यांनी वाढेल असा अंदाज आहे. परंतु, मे आणि जूनचे आकडे येणे बाकी आहे. अशा परिस्थितीत हा निर्देशांक १२९ च्या पुढे गेला तर महागाई भत्त्यात ६ टक्क्यांनी वाढ होऊ शकते.
पगारात बंपर वाढ होणार आहे
जर आपण किमान मूळ वेतन 18,000 रुपये पाहिले, तर वार्षिक महागाई भत्त्यात 40 टक्के दराने एकूण 12960 रुपये वाढ होईल. याचा अर्थ सध्याचा महागाई भत्ता दरमहा १०८० रुपयांनी वाढणार आहे. एकूण, 18000 रुपये मूळ वेतन असलेल्या केंद्रीय कर्मचाऱ्यांना वार्षिक 86,400 रुपये महागाई भत्ता दिला जाईल.
दुसरीकडे, जर आपण कमाल मूळ वेतन 56900 रुपये पाहिले, तर वार्षिक महागाई भत्त्यात एकूण वाढ 40968 रुपये होईल. म्हणजेच सध्याच्या महागाई भत्त्याच्या तुलनेत दरमहा ३४१४ रुपये वाढणार आहेत. एकूण 56900 रुपये मूळ वेतन असलेल्या केंद्रीय कर्मचाऱ्यांना वार्षिक 27,3120 रुपये महागाई भत्ता दिला जाईल.
किमान मूळ पगाराची गणना
- कर्मचार्‍याचे मूळ वेतन रु. 18,000
- नवीन महागाई भत्ता (40%) रु.7,200/महिना
- आतापर्यंत महागाई भत्ता (34%) रु.6120/महिना
- किती महागाई भत्ता वाढला 7200-6120 = रु.1080/महिना
- वार्षिक पगारात वाढ 1080 X12 = रु. 12,960
कमाल मूळ पगाराची गणना
- कर्मचार्‍यांचे मूळ वेतन रु 56,900
- नवीन महागाई भत्ता (40%) रु. 22,760/महिना
- आतापर्यंत महागाई भत्ता (34%) रु.19,346/महिना
- किती महागाई भत्ता 22,760-19,346 ने वाढला = रु 3,414/महिना
- वार्षिक पगारात वाढ 3,414 X12 = रु 40,968