BSNL 5G Service: भारतात अधिकृतपणे 5G लाँच करण्यात आले आहे. मात्र, देशभरात 5G सेवा (5G services) मिळण्यास थोडा वेळ लागेल. सध्या काही निवडक ठिकाणांसाठी ते सुरू करण्यात आले आहे. सध्या फक्त खाजगी टेलिकॉम कंपन्या (Private Telecom Companies) 5G सेवा पुरवतील. पण, BSNL लवकरच 5G सेवा देणार आहे.
15 ऑगस्टपासून सेवा सुरू होणार आहे –
भारत संचार निगम लिमिटेड (Bharat Sanchar Nigam Limited) अर्थात BSNL च्या ग्राहकांना 5G साठी जास्त वाट पाहावी लागणार नाही. एका अहवालानुसार, BSNL ची 5G सेवा 15 ऑगस्ट 2023 पासून सुरू होणार आहे. दूरसंचार मंत्री अश्विनी वैष्णव (Ashwini Vaishnav) यांनी याबाबत माहिती दिली आहे. इंडिया मोबाइल काँग्रेस (India Mobile Congress) 2022 दरम्यान याची घोषणा करण्यात आली.
ईटी टेलिकॉमच्या अहवालात असे म्हटले आहे की, बीएसएनएलची 5जी सेवा (BSNL 5G Service) देशांतर्गत तंत्रज्ञानावर आधारित असेल. ते Jio आणि Airtel च्या 5G शी स्पर्धा करेल. Jio या महिन्यापासून 5G सेवा जारी करू शकते, तर Airtel ही सेवा निवडक शहरांमध्ये सुरू केली आहे.
प्लॅन स्वस्त असतील –
अश्विनी वैष्णव यांनी सांगितले की, येत्या 6 महिन्यांत 200 हून अधिक शहरांमध्ये 5G सेवा मिळणे सुरू होईल. येत्या दोन वर्षात देशातील 80-90 टक्के ठिकाणी त्याचे कव्हरेज मिळेल. 5G सेवाही स्वस्त होणार असल्याचे त्यांनी सांगितले.
म्हणजेच यासाठी यूजर्सला जास्त पैसे खर्च करावे लागणार नाहीत. Airtel आणि Jio ने सांगितले की 5G ची किंमत सध्याच्या 4G प्लॅन सारखीच असेल. पण, सध्या कोणत्याही टेलिकॉम ऑपरेटरने या प्लॅनची माहिती दिलेली नाही.
जिओचा दावा आहे की, 5G प्लॅनची किंमत संपूर्ण जगात भारतात सर्वात कमी असेल. तर 5G चा स्पीड 4G पेक्षा 10 पट जास्त असेल. IMC 2022 मध्ये Airtel चा 5G स्पीड 300Mbps वर जात होता. एअरटेलची 5G सेवा 8 शहरांमध्ये प्रथम दिली जात आहे. सध्या Vi 5G च्या रोलआउटबाबत कोणतीही माहिती समोर आलेली नाही.