Ajab Gajab News : देशाच्या तंत्रज्ञान (Technology) खूप विकसित झाले असून पृथ्वीबाहेरील इतर ग्रहांची माहिती घेण्याचा शोध वैज्ञानिक करत असतात. असेच एका एका ग्रहावर वितळलेल्या दगडांचा पाऊस पडतो, तर दुसऱ्या ग्रहावर (planet) टायटॅनियमसारख्या (titanium) धातूचेही बाष्पीभवन होते असे समजले आहे.
दोन्ही ग्रह गुरूच्या आकाराचे आहेत
शास्त्रज्ञांनी (scientists) शोधलेल्या रहस्यमय जगाच्या दोन्ही ग्रहांचा आकार गुरू या ग्रहाइतका आहे. हे दोन्ही आपल्या आकाशगंगेत त्यांच्या ताऱ्यांजवळ आहेत. हे दोन्ही ग्रह ताऱ्याच्या इतके जवळ आले आहेत की ते जास्त तापमानामुळे गरम होत आहेत. एका ग्रहावर बाष्पयुक्त दगडांचा पाऊस आणि दुसऱ्या ग्रहावर टायटॅनियमसारख्या शक्तिशाली धातूचे बाष्पीकरण हे त्यांच्या उच्च तापमानामुळे होते.
शास्त्रज्ञांनी दोन अभ्यासात या दोन रहस्यमय ग्रहांबद्दल तपशीलवार माहिती दिली आहे. आता शास्त्रज्ञ आपल्या आकाशगंगेतील विविधता, जटिलता आणि अद्वितीय रहस्यांबद्दल अधिक जाणून घेऊ शकतात. बाह्य ग्रहांवरून, विश्वातील ग्रह प्रणालीच्या उत्क्रांतीच्या विविधतेबद्दल माहिती प्राप्त होत आहे.
रात्री वादळे येतात
नेचर जर्नलमध्ये (journal Nature) प्रकाशित झालेल्या अभ्यासानुसार, शास्त्रज्ञांनी हबल स्पेस टेलिस्कोपद्वारे WASP-178b पृथ्वीपासून १३०० प्रकाश-वर्ष दूर असल्याचे पाहिले आहे. जिथे ते पाहिले गेले आहे तिथे वातावरण सिलिकॉन मोनोऑक्साइड वायूने भरलेले आहे. या ग्रहावर दिवसा ढग नसतात, मात्र रात्री ताशी दोन हजार मैल वेगाने वादळी वारे वाहत असल्याचे संशोधकांचे म्हणणे आहे.
दगडांचा पाऊस का पडतो
या संशोधनात असे सांगण्यात आले आहे की हा ग्रह त्याच्या ताऱ्याच्या अगदी जवळ आहे. या ग्रहाचा एक भाग नेहमी त्याच्या ताऱ्याकडे असतो. शास्त्रज्ञांचा दावा आहे की ग्रहाच्या दुसऱ्या बाजूला सिलिकॉन मोनोऑक्साइड इतका थंड होतो की ढगातून पाण्याऐवजी दगडांचा पाऊस पडतो. सकाळ संध्याकाळ हा ग्रह इतका उष्ण होतो की दगडाचीही वाफ होते. संशोधकांनी नोंदवले आहे की पहिल्यांदाच सिलिकॉन मोनोऑक्साइड या स्वरूपात दिसले आहे.
दुसरा अभ्यास अॅस्ट्रोफिजिकल जर्नल लेटर्समध्ये प्रकाशित झाला आहे. यामध्ये खगोलशास्त्रज्ञांनी अत्यंत उष्ण ग्रहाबद्दल सांगितले आहे. KELT-20b असे या ग्रहाचे नाव ४०० प्रकाशवर्षे दूर आहे. शास्त्रज्ञांनी याची तपासणी केली तेव्हा असे आढळून आले की अतिनील किरणांचा वर्षाव येथील वातावरणात एक थर राखत आहे.
KELT-20b वर तयार झालेला थर्मल लेयर पृथ्वीच्या स्ट्रॅटोस्फियरसारखाच आहे. पृथ्वीच्या ओझोन थरातील अतिनील किरणांच्या शोषणामुळे तापमान 7 ते 31 मैलांच्या दरम्यान वाढते. KELT-20b वरील मूळ तार्‍याचे अतिनील विकिरण वातावरणातील धातूला गरम करते, ज्यामुळे एक घन थर्मल उलथापालथ थर तयार होतो.
संशोधकांनी सांगितले आहे की KELT-20b चे उत्सर्जन स्पेक्ट्रम इतर ग्रहांपेक्षा पूर्णपणे वेगळे आहे. यावरून हे स्पष्ट होते की ग्रह स्वतंत्र राहत नाहीत, परंतु ताऱ्यांचा त्यांच्यावर खोल प्रभाव पडतो.