Business Idea : देशात अनेकजण आपल्या आणि आपल्या कुटुंबाच्या उदरनिर्वाहासाठी नोकरी (Job) करतात. परंतु, अनेकजण रोजच्या नोकरीला वैतागलेले असतात.
अशातच अनेकजण स्वतःचा व्यवसाय (Business) सुरु करतात. परंतु, प्रत्येकाकडे व्यवसाय सुरु करण्यासाठी पैसे असतातच असे नाही. तुम्हाला आता सरकारच्या (Govt) मदतीने व्यवसाय सुरु करता येणार आहे.
सरकारी कंपन्यांची (Government companies) फ्रँचायझी (Franchise) उघडून तुम्ही स्वतःचा व्यवसाय सुरू करू शकता. तुम्हाला या व्यवसायांमध्ये गुंतवणूक (Investment) करण्याचीही गरज नाही आणि नफाही चांगला मिळतो. तसेच, त्यात नुकसान होण्याची शक्यताही नगण्य आहे. सरकारी फ्रँचायझीसोबत (Government Franchise) काम करण्याची मजा वेगळीच असते आणि कमाईही बंपर असते.
आधार कार्ड फ्रँचायझी
आजकाल, आधार कार्ड (Aadhaar Card) हे देशात राहणाऱ्या प्रत्येकासाठी आवश्यक कागदपत्र आहे. त्यामुळे याला खूप मागणी आहे. तुम्ही आधार कार्ड फ्रँचायझी (Aadhaar Card Franchise) घेऊ शकता. याद्वारे तुम्ही खूप चांगले पैसे कमवू शकाल. जर तुम्हाला आधार कार्ड फ्रँचायझी करायचे असेल तर प्रथम तुम्हाला UIDAI द्वारे आयोजित परीक्षा उत्तीर्ण करावी लागेल.
यानंतर सेवा केंद्र उघडण्यासाठी परवाना दिला जातो. एकदा तुम्ही परीक्षा उत्तीर्ण झाल्यावर तुम्हाला आधार नोंदणी क्रमांक आणि बायोमेट्रिक पडताळणी करावी लागेल. त्यानंतर कॉमन सर्व्हिस सेंटरवरून नोंदणी करावी लागेल.
अशा परिस्थितीत आधार कार्ड अतिशय काळजीपूर्वक ठेवावे लागते. तसेच, त्यात काही चूक असल्यास, ती दुरुस्त करण्यासाठी तुम्ही कॉमन सर्व्हिस सेंटर किंवा UIDAI च्या फ्रँचायझीकडे जाऊ शकता. तुम्ही आधार कार्ड फ्रँचायझी देखील घेऊ शकता.
अर्ज कसा करायचा?
- आधार फ्रँचायझी परवाना घेण्यासाठी, तुम्ही प्रथम NSEIT च्या अधिकृत वेबसाइटला भेट दिली पाहिजे https://uidai.nseitexams.com/UIDAI/LoginAction_input.action
- येथे तुम्हाला ‘Create News User’ चा पर्याय मिळेल. त्यावर क्लिक केल्यानंतर एक नवीन फाईल उघडेल.
- यामध्ये तुम्हाला ‘Share Code enter’ विचारले जाईल. ‘शेअर कोड’ साठी तुम्हाला https://resident.uidai.gov.in/offline-kyc वर जाऊन ऑफलाइन ई-आधार डाउनलोड करावे लागेल.
- डाउनलोड केल्यानंतर, तुम्हाला ‘XML फाइल’ आणि ‘शेअर कोड’ डाउनलोड केलेले दोन्ही मिळतील.
- अर्ज करताना, तुमच्या स्क्रीनवर एक फॉर्म उघडेल. त्यात विचारलेली सर्व माहिती भरा आणि सबमिट करा.
- तुमच्या फोन आणि ई-मेल आयडीवर ‘USER ID’ आणि ‘पासवर्ड’ येतील. आता तुम्ही या आयडी आणि पासवर्डद्वारे ‘आधार चाचणी आणि प्रमाणन’ या पोर्टलवर सहजपणे लॉग इन करू शकता. यानंतर तुमच्या समोर ‘Continue’ चा पर्याय येईल, त्यावर क्लिक करा.
- पुढील चरणात, तुमच्या समोर एक फॉर्म उघडेल. विनंती केलेली सर्व माहिती भरा. त्यानंतर तुमचा फोटो आणि डिजिटल स्वाक्षरी अपलोड करा. यानंतर, तुम्ही सर्व माहिती बरोबर भरली आहे की नाही ते पुन्हा तपासा, त्यानंतर तुम्ही ‘प्रोसीड टू सबमिट फॉर्म’ वर क्लिक करून पुढे जाऊ शकता.