Cheapest 125cc Bikes : या नवीन वर्षात तुम्ही देखील नवीन 125cc इंजिन सेगमेंटमध्ये बाइक खरेदी करणार असाल तर आम्ही तुम्हाला सध्या बाजरात धुमाकूळ घालणाऱ्या काही जबरदस्त बाइकबद्दल माहिती देत आहोत जे तुम्ही स्वस्तात खरेदी करू शकतात. तसेच ह्या बाइक्स तुम्हाला कमी खर्च्यात जास्त मायलेज देखील देतात. चला तर जाणून घेऊया या स्वस्त आणि जबरदस्त मायलेज देणाऱ्या 125cc इंजिन बाइक्सबद्दल संपूर्ण माहिती.
Hero Super Splendor
हिरो सुपर स्प्लेंडर ब्लॅक आणि एक्सेंट आता लूकमध्ये एकदम फ्रेश दिसतो. बाइकला इंजिन, अलॉय व्हील, एक्झॉस्ट, हँडलबारवर मॅट ब्लॅक पेंट मिळतो. हे दोन व्हेरियंटमध्ये लॉन्च करण्यात आले आहे. त्याच्या ड्रम व्हेरिएंटची किंमत 77,918 रुपयांपासून सुरू होते.
या बाइकमध्ये BS6 124.7cc सिंगल-सिलेंडर आणि एअर-कूल्ड इंजिन आहे जे 7,500rpm वर 10.7bhp आणि 6,000rpm वर 10.6Nm टॉर्क जनरेट करते. बाइकमध्ये 5-स्पीड गिअरबॉक्स देण्यात आला आहे. एका लीटरमध्ये, ही बाईक 80 किमी (ARAI) पर्यंतचे अंतर कापू शकते. खराब रस्त्यांसाठी, यात समोरच्या बाजूला टेलिस्कोपिक फ्रंट फोर्क्स आहेत आणि मागील बाजूस पाच-स्टेप अॅडजस्टेबल सस्पेन्शनसह पाच-स्टेप अॅडजस्टेबल रिअर स्प्रिंग आहेत.
या बाइकच्या पुढील टायरमध्ये 240mm डिस्क आणि मागील टायरमध्ये 130mm ड्रम ब्रेक आहे. बाईकमध्ये 18 इंच ट्यूबलेस टायर आहेत. बाईकची सीट रुंद असून ती आरामदायीही आहे. यात अॅनालॉग आणि डिजिटल मीटर कन्सोल आहे, जर प्रवासादरम्यान तुमच्या मोबाईलची बॅटरी संपली तर तुम्हाला बाईकमध्ये USB चार्जरची सुविधाही मिळते. तुम्ही बाईक त्याच्या बाजूच्या स्टँडवर पार्क केल्यास ती सुरू होणार नाही, जे सुरक्षिततेसाठी एक चांगले फीचर्स आहे.
Bajaj CT125X
बजाज CT125X ही रफ आणि टफ बाइक आहे. आकर्षक लुक आणि मजबूत इंजिन क्षमतेने सजलेल्या या बाइकची सुरुवातीची किंमत, या बाइकची एक्स-शो रूम किंमत 74,554 रुपये आहे. या बाइकमध्ये सिंगल-सिलेंडर 125cc क्षमतेचे एअर-कूल्ड इंजिन वापरण्यात आले आहे, जे 10bhp पॉवर आणि 11Nm टॉर्क जनरेट करते.
हे इंजिन 5-स्पीड गिअरबॉक्सशी जोडलेले आहे. पारंपारिक टेलिस्कोपिक फोर्क्स आणि ड्युअल गॅस-चार्ज्ड रियर स्प्रिंग्ससह येत, कंपनीने या स्वस्त बाइकमध्ये 240 मिमी फ्रंट डिस्क आणि 130 मिमी मागील ड्रम ब्रेक वापरला आहे. या बाईकमध्ये 17 इंचाचे अलॉय व्हील देण्यात आले आहे. गोल हेडलॅम्प, एलईडी डीआरएल, रबर टँक पॅड, क्रॅश गार्ड, फोर्क गेटर आणि मोठी ग्रॅब रेल यासारख्या फीचर्सशिवाय ते सोपे ठेवण्याचा प्रयत्न केला आहे. त्यामुळे तुम्हीही शक्तिशाली आणि परवडणारी प्रवासी बाईक घेण्याचा विचार करत असाल, तर तुमच्यासाठी हा एक चांगला पर्याय असू शकतो.
हे पण वाचा :- Earn Money: विद्यार्थ्यांनो ‘ही’ बातमी वाचाच ! दरमहा होणार मोठा आर्थिक फायदा