Petrol-Diesel Price Today: आंतरराष्ट्रीय बाजारात कच्च्या तेलाच्या किंमतीतील (crude oil prices) चढ-उतारांची प्रक्रिया सुरूच आहे. कच्च्या तेलाची किंमत प्रति बॅरल 100 डॉलरच्या जवळपास आहे. दरम्यान, भारतीय बाजारपेठेत पेट्रोल आणि डिझेल (Petrol and Diesel) या दोन्ही इंधनांच्या किमतीत कोणताही बदल झालेला नाही. देशाची राजधानी दिल्लीत पेट्रोलचा दर 96.72 रुपये प्रति लिटर आणि डिझेलचा दर 89.62 रुपये प्रति लिटर इतका आहे.
दिल्लीला लागून असलेल्या गुरुग्राममध्ये पेट्रोलचा दर 97.18 रुपये आणि डिझेलचा दर 90.05 रुपये प्रति लिटर आहे. NCR बद्दल बोलायचे झाले तर नोएडामध्ये पेट्रोल 96.57 रुपये आणि डिझेल 89.96 रुपये प्रति लिटर दराने विकले जात आहे. याशिवाय उत्तर प्रदेशची राजधानी लखनऊमध्ये पेट्रोलचा दर 96.57 रुपये आणि डिझेलचा दर 89.76 रुपये प्रति लिटर आहे.
मुंबईत पेट्रोलचा दर प्रतिलिटर 106.31 रुपये तर डिझेलचा दर 94.27 रुपये प्रतिलिटर आहे. याशिवाय चेन्नईमध्ये पेट्रोल 102.63 रुपये प्रति लिटर आणि डिझेल 94.24 रुपये प्रति लिटर आहे. त्याचवेळी पश्चिम बंगालची राजधानी कोलकाता येथे आज (13 ऑगस्ट) पेट्रोल 106.06 रुपये आणि डिझेल 92.76 रुपये प्रति लिटर दराने विकले जात आहे.
जवळपास 3 महिन्यांपासून पेट्रोल-डिझेलचे दर बदललेले नाहीत –
जवळपास 3 महिन्यांपासून भारतात पेट्रोल आणि डिझेलच्या दरात कोणताही बदल झालेला नाही. केंद्र सरकारने (central government) 21 मे रोजी पेट्रोलवरील उत्पादन शुल्क (Excise Duty) 6 रुपयांनी आणि डिझेलवरील 8 रुपयांनी कमी केले होते.
आंतरराष्ट्रीय बाजारातील कच्च्या तेलाच्या आधारावर, तेल विपणन कंपन्या (Oil Marketing Companies) किमतींचा आढावा घेऊन दररोज पेट्रोल आणि डिझेलची किंमत निश्चित करतात. तुमच्या शहरातील पेट्रोल आणि डिझेलचे दर तुम्हाला एसएमएसद्वारे दररोज कळू शकतात. यासाठी इंडियन ऑइल (Indian Oil) च्या ग्राहकांना RSP कोड लिहून 9224992249 या क्रमांकावर पाठवावा लागेल.