Google Chrome : जर तुम्हीही कॉम्प्युटर किंवा लॅपटॉप वापरत असाल तुमच्यासाठी खूप फायद्याची आहे. कारण आता लॅपटॉप किंवा जुन्या आवृत्त्यांसह डेस्कटॉपसाठी गूगल क्रोम कायमचे बंद होणार आहे.
त्यामुळे तुम्हाला आता गूगल क्रोम वापरता येणार नाही. याबाबत गुगलने एक घोषणा केली आहे. त्यामुळे कंपनीच्या या निर्णयामुळे वापरकर्त्यांना नवीन वर्षात चांगलाच धक्का बसला आहे.
लवकरच येणार अपडेट
Google ने घोषणा केली आहे की ते Windows 7 आणि Windows 8/8.1 साठी Chrome सपोर्ट समाप्त करणार आहे, Chrome 109 ही शेवटची आवृत्ती अपडेट आहे. टेक जायंट Google 7 फेब्रुवारी 2023 रोजी त्याचे पुढील अपडेट म्हणजेच Chrome 110, रिलीज करणार आहे.
हे अपडेट फक्त Windows 10 किंवा त्यापुढील आवृत्तीवर चालणाऱ्या उपकरणांसाठी उपलब्ध असणार आहे. “भविष्‍यातील क्रोम रिलीझ मिळवणे सुरू ठेवण्‍यासाठी, तुम्ही तुमचे डिव्हाइस Windows 10 किंवा नंतरचे चालवत असल्‍याची खात्री करणे गरजेचे आहे,” Google ने सांगितले.
Google ची 109 Chrome ही शेवटची आवृत्ती असून Windows 7 आणि Windows 8/8.1 ला सपोर्ट करेल. म्हणजेच, आता नवीन Chrome आवृत्ती 110 Windows 7 आणि Windows 8/8.1 वर वापरता येणार नाही.
Google Chrome 109 Windows 7 आणि Windows 8/8.1 मध्ये देखील वापरला जाऊ शकतो, परंतु कंपनी त्यासाठी कोणतेही अपडेट जारी करणार नाही. म्हणजेच, जर तुम्ही जुनी विंडोज प्रणाली वापरत असाल, तर तुम्ही Google Chrome 109 वापरण्यास सक्षम असाल.
मात्र, सुरक्षेच्या दृष्टीने लॅपटॉपची नवीनतम आवृत्ती वापरणे किंवा नवीन विंडोजमध्ये अपडेट करणे अधिक योग्य ठरेल. जर तुम्ही Windows 10 वापरत असाल तर तुम्ही Windows 11 वर अपडेट करू शकता.
फॉलो करा या स्टेप्स
- लॅपटॉप किंवा डेस्कटॉपवर विंडोज अपडेट सेटिंग्ज उघडावी लागेल.
- Update Settings मधून आता Update & Security या पर्यायावर जाऊन तेथून Windows Update या पर्यायावर क्लिक करा.
- आता येथून Check for Updates या पर्यायावर क्लिक करा.
- जर तुमचे डिव्हाइस Windows 11 साठी तयार असेल तर येथे तुम्हाला डाउनलोड पर्याय मिळेल.
- डाउनलोड पर्यायावर क्लिक करा आणि नंतर विंडोज 11 स्थापित करा.