iQOO Neo 7: iQOO ने आपल्या निओ सीरीजमधील नवीन स्मार्टफोन (new smartphone) लॉन्च केला आहे. हा हँडसेट कंपनीच्या Neo 7 मालिकेचा भाग आहे. ब्रँडने आयक्यूओओ निओ 7 5G (iQOO Neo 7 5G) लाँच केला आहे, जो निओ 6 5G (Neo 6 5G) चा उत्तराधिकारी म्हणून आला आहे. कंपनी लवकरच हा स्मार्टफोन भारतात लॉन्च करेल अशी अपेक्षा आहे.मात्र, याबाबत अधिकृतपणे कोणतीही माहिती उपलब्ध नाही. हा फोन मीडियाटेक डायमेन्सिटी 9000+ (MediaTek Dimensity 9000+) प्रोसेसरसह येतो. यात मोठी AMOLED स्क्रीन आहे.
डिवाइस मध्ये ट्रिपल रियर कॅमेरा सेटअप देण्यात आला आहे. हँडसेटसोबतच कंपनीने iQOO TWS AIR देखील लॉन्च केला आहे. चला जाणून घेऊया iQOO Neo 7 ची किंमत आणि इतर फीचर्स.
iQOO निओ 7 किंमत –
ब्रँडने हे उपकरण चार कॉन्फिगरेशनमध्ये लॉन्च केले आहे. त्याच्या 8GB RAM + 128GB स्टोरेज वेरिएंटची किंमत 2699 युआन (सुमारे 30,900 रुपये) आहे. 8GB RAM + 256GB व्हेरिएंटची किंमत 2999 युआन (सुमारे 34,300 रुपये) आहे.
फोनचा 12GB RAM + 256GB स्टोरेज वेरिएंट 3299 युआन (सुमारे 37,700 रुपये) आणि 12GB RAM + 512GB स्टोरेज व्हेरिएंट 3599 युआन (सुमारे 41,200 रुपये) मध्ये लॉन्च करण्यात आला आहे. तुम्ही iQOO Neo 7 ऑरेंज, ब्लू आणि ब्लॅक कलर पर्यायांमध्ये खरेदी करू शकता.
तपशील काय आहेत?
iQOO Neo 7 मध्ये 6.78-इंचाचा फुल HD+ डिस्प्ले आहे, जो E5 AMOLED स्क्रीन आहे. हँडसेट 1500 निट्सच्या पीक ब्राइटनेस आणि 120Hz रिफ्रेश रेट सपोर्टसह येतो. स्क्रीनमध्ये डिस्प्लेसाठी वेगळी चिप देण्यात आली आहे. हा स्मार्टफोन MediaTek Dimensity 9000+ प्रोसेसरसह येतो.
यात 12GB पर्यंत रॅम आणि 512GB पर्यंत स्टोरेज पर्याय आहे. हँडसेटमध्ये ट्रिपल रियर कॅमेरा सेटअप देण्यात आला आहे, ज्याचा मुख्य सेन्सर 50MP Sony IMX766V आहे. याशिवाय 8MP अल्ट्रा वाईड अँगल लेन्स (Ultra Wide Angle Lens) आणि 2MP मॅक्रो लेन्स देण्यात आली आहेत.
फ्रंटमध्ये कंपनीने 16MP सेल्फी कॅमेरा दिला आहे. डिव्हाइसला पॉवर देण्यासाठी, 5000mAh बॅटरी दिली आहे, जी 120W फास्ट चार्जिंग सपोर्टसह येते. अँड्रॉइड 13 (Android 13) वर आधारित Funtouch OS 13 वर हँडसेट काम करतो.