Jio True 5G : 1 ऑक्टोबर रोजी पंतप्रधान नरेंद्र मोदी (PM Narendra Modi) यांच्या हस्ते भारतात 5G सेवा (5G services) सुरु करण्यात आली आहे. ही सेवा टप्प्या टप्प्यात सुरु करण्यात आली आहे.
जिओनेही (Jio) ही सेवा (Jio 5G service) सुरु केली आहे. परंतु, जर तुमच्या फोनमध्ये नेटवर्क (5G network) येत नसेल तर सेटिंगमध्ये बदल करा.
5G स्मार्टफोन
पहिली गोष्ट म्हणजे तुमच्याकडे 5G स्मार्टफोन (5G smartphone) असणे आवश्यक आहे, तरच तुम्ही 5G सेवा वापरण्यास सक्षम असाल. तुमच्याकडे 5G रेडी किंवा 5G स्मार्टफोन असेल तरच तुम्ही Jio किंवा Airtel दोन्ही कंपन्यांचे 5G नेटवर्क वापरण्यास सक्षम असाल.
येथे आणखी एक गोष्ट लक्षात घेण्यासारखी आहे की सर्व 5G फोन Jio च्या 5G ला सपोर्ट करणार नाहीत. काही फोनसाठी अपडेट जारी केले जाईल, त्यानंतरच ते 5G ला सपोर्ट करेल. तुम्ही येथे सर्व स्मार्टफोन्सची यादी तपासू शकता ज्यामध्ये Jio True 5G सपोर्ट असेल. तुमच्या फोनमध्ये काही अपडेट असेल तर लगेच इन्स्टॉल करा.
जिओ प्लॅनची योग्य निवड
Jio 5G नेटवर्क तुमच्या फोनमध्ये तेव्हाच काम करेल जेव्हा तुमच्या नंबरवर 239 रुपये किंवा त्याहून अधिकचा प्लॅन सक्रिय असेल. जिओने अद्याप असे कोणतेही विधान केलेले नसले तरी टेलिकॉम टॉकने ही माहिती दिली आहे.
शहरांची निवड
तसेच, तुम्ही जिओ ट्रू 5G ची बीटा चाचणी सध्या सुरू असलेल्या शहरांमध्ये आहात की नाही हे लक्षात ठेवा. तुम्ही यापैकी कोणत्याही शहरात दिल्ली, मुंबई, कोलकाता किंवा वाराणसीमध्ये असाल तरच तुम्हाला Jio True 5G नेटवर्क मिळेल, जरी 2023 पर्यंत ते देशाच्या कानाकोपऱ्यात विस्तारले जाईल.