Petrol Diesel Price : देशात दिवसेंदिवस महागाई वाढतच चालली आहे. अशातच इंधनाच्या किमतीतही (Oil Price) कमालीची वाढ झाली आहे.
भारतात पेट्रोलने शंभरी पार केली आहेत तर डिझेलने नव्वदी पार केली आहे. या किमती का वाढल्या आहेत यामागील अर्थमंत्री निर्मला सीतारामन (Nirmala Sitharaman) यांनी कारण सांगितले आहे.
पेट्रोलियम पदार्थ (Petroleum products) आणि कच्च्या तेलावर विंडफॉल टॅक्स (Windfall tax) अचानक नाही तर उद्योगांशी नियमित सल्लामसलत करून आकारला जात असल्याचे त्यांनी म्हटले आहे.
व्हिडीओ कॉन्फरन्सद्वारे आयोजित कार्यक्रमात त्या म्हणाल्या की, विंडफॉल टॅक्सला अचानक लावलेला कर म्हणणे योग्य नाही, कारण तो उद्योगांशी सल्लामसलत करून ठरवला जातो.
उद्योगांना पूर्ण विश्वासात घेऊनच ही कल्पना अंमलात आणण्यात आली, असे अर्थमंत्र्यांनी एलारा कॅपिटलने आयोजित केलेल्या कार्यक्रमात सांगितले.
सीतारामन म्हणाल्या, जेव्हा आम्ही हे सुचवले तेव्हा आम्ही उद्योगांना सांगितले की दर 15 दिवसांनी कर दराचा आढावा घेतला जाईल.
जागतिक निर्देशांकात बाँडच्या समावेशाबाबत त्या म्हणाल्या की, महामारीनंतर अनेक गोष्टी बदलल्या आहेत. हे विशेषतः निधीच्या प्रवाहाच्या बाबतीत आहे.
सीतारामन (Finance Minister) म्हणाल्या की निधीचा ओघ अपेक्षेप्रमाणे झाला नाही. यामागे नक्कीच प्रमुख कारण महामारी आहे. मात्र, यावर लवकरच तार्किक निष्कर्ष निघेल, अशी मला अपेक्षा आहे.
कर-जीडीपी (GDP) गुणोत्तर वाढवण्याचा सरकारचा विचार आहे का, असे विचारले असता, ते म्हणाले की कर बेस विस्तृत करणे हा एक मुद्दा आहे ज्यासाठी खूप सल्लामसलत आणि विश्लेषणाची आवश्यकता आहे.
पण हे अधिक योग्य पद्धतीने आणि तंत्रज्ञानाच्या साहाय्याने होईल याची आम्हाला खात्री करायची आहे, असे अर्थमंत्र्यांनी सांगितले.
त्या म्हणाल्या, 2047 पर्यंत भारत विकसित देश होण्यासाठी अनेक गोष्टींना नव्याने आकार द्यावा लागेल. हे लक्ष्य साध्य करण्यासाठी डिजिटायझेशन, शिक्षण आणि पायाभूत सुविधा ही सर्वात महत्त्वाची साधने आहेत.