Xiaomi 13 Series : दिग्ग्ज टेक कंपनी Xiaomi आता Xiaomi 13 मालिका लॉन्च करण्याच्या तयारीत आहे. भारतीय बाजारपेठेत Xiaomi च्या चाहता वर्गाची संख्या खूप मोठी आहे. कंपनी सतत आपल्या चाहत्यांसाठी नवनवीन फीचर्स आणि स्पेसिफिकेशन असणारे स्मार्टफोन लाँच करत असते.
अशातच आता कंपनीची लवकरच Xiaomi 13 मालिका लाँच होणार आहे. परंतु, या सीरिजच्या लॉन्चपूर्वी किंमत, डिझाइन आणि इतर तपशील ऑनलाइन लीक झाले आहेत. कंपनीची आगामी Xiaomi 13 सीरिज कशी असणार पाहुयात सविस्तर.
आगामी स्मार्टफोन सीरिजच्या जागतिक प्रकारांविषयी माहिती त्यांच्या पदार्पणापूर्वी ऑनलाइन लीक झाली असून ही उपकरणे यापूर्वी त्यांच्या जागतिक उपलब्धतेचा इशारा देणाऱ्या अनेक प्रमाणन साइट्सवर सूचीबद्ध केली होती. परंतु त्याच वेळी, आता Xiaomi 13 सीरिजची किंमत, रंग आणि डिझाइन रेंडर ऑनलाइन लीक झाले आहेत.
असे आहे डिझाइन
Xiaomi 13 सीरिज Qualcomm च्या नवीनतम जनरेशन Snapdragon 8 Gen 2 SoC द्वारे समर्थित असणार आहे. टिपस्टर सुधांशू अंभोरेकडून Xiaomi 13, Xiaomi 13 Lite आणि Xiaomi 13 Pro ची जागतिक किंमत तसेच तिन्ही मॉडेल्सचे उच्च-रिझोल्यूशन रेंडर लीक करण्यात आले आहेत.
इतकी आहे किंमत
टिपस्टरनुसार, Xiaomi 13 ची बेस स्टोरेज व्हेरियंटसाठी EUR 999 (अंदाजे रु. 88,700) तसेच Xiaomi 13 Pro ची किंमत EUR 1299 (अंदाजे रु. 1,15,300 तर, Xiaomi 13 Lite ची किंमत EUR 499 (अंदाजे रु. 44,000) असण्याची शक्यता आहे.
उपलब्ध आहेत रंग पर्याय
इतकेच नाही तर या सीरिजच्या रंगाचे पर्यायही समोर आले आहेत. Xiaomi 13 Pro दोन रंग पर्यायांमध्ये विकला जाणार आहे- ब्लॅक आणि व्हाइट, तर Xiaomi 13 ग्रीन, ब्लॅक आणि व्हाइट कलर व्हेरियंटमध्ये ऑफर करण्यात येत आहे. तर Xiaomi 13 Lite हा ब्लॅक, पिंक आणि ब्लू कलर रंगात असू शकतो.
कंपन्यांनी दीर्घकालीन भागीदारीवर स्वाक्षरी केल्यानंतर Xiaomi 13 स्मार्टफोनची सीरिज चीनी फोन निर्मात्याकडून Leica ट्यून केलेला कॅमेरा सेटअप वैशिष्ट्यीकृत करणारी पहिली असणार आहे. दोन ब्रँड्सनी यापूर्वी Xiaomi 12S Ultra वर सहयोग केला होता जो मागच्या वर्षीच्या Xiaomi 12 सीरिजमधील Leica-ब्रँडेड कॅमेरे असणारा एकमेव फोन होता.