Renault SUV: भारतीय कार बाजारात SUV सेगमेंटच्या कारना प्रचंड प्रतिसाद मिळत आहे. टाटा नेक्सॉन (Tata Nexon) असो वा मारुती ब्रेझा (Maruti Brezza), दोन्हीसाठी बुकिंग वेगाने होत आहे. आता कार निर्माता कंपनी रेनॉल्ट (Renault) या शर्यतीत मोठा धमाका करण्याच्या तयारीत आहे. कंपनी लवकरच आपली सब-कॉम्पॅक्ट एसयूव्ही लॉन्च करू शकते.
चाचणी दरम्यान अनेक वेळा झाली स्पॉट –
मीडिया रिपोर्ट्सनुसार, रेनॉल्टची ही आगामी सब-कॉम्पॅक्ट एसयूव्ही रेनॉल्ट अर्काना (Renault Arcana) चाचणी दरम्यान अनेक वेळा स्पॉट झाली आहे. रेनॉल्टची ही कारही सध्याच्या कंपनीच्या डस्टरसारखी (duster) मजबूत असेल आणि ग्राहकांना आकर्षित करण्यात यशस्वी होईल, असे बोलले जात आहे. रिपोर्ट्सनुसार, ही प्रीमियम दिसणारी कार सुमारे 10 लाख रुपयांच्या किंमतीच्या श्रेणीमध्ये ऑफर केली जाऊ शकते.
इतर SUV पेक्षा लांब असू शकते –
पूर्वीच्या Rushlane अहवालात, चाचणी दरम्यान दिसलेल्या Renault Arkana च्या चित्रांच्या आधारे त्याच्या वैशिष्ट्यांविषयी माहिती सामायिक केली गेली होती. तसं पाहिलं तर या कारमध्ये अनेक उत्तमोत्तम अपग्रेड फीचर्स पाहायला मिळतात. यानुसार, अर्कानाची लांबी 4,545 मिमी असू शकते. म्हणजेच ही कार बाजारातील इतर एसयूव्हीपेक्षा थोडी लांब असू शकते. याशिवाय, त्याची रुंदी 1,820 मिमी आणि उंची 1,565 मिमी पर्यंत असू शकते.
मीडिया रिपोर्ट्सनुसार, Renault Arkana मध्ये 2721 mm चा व्हीलबेस दिला जाऊ शकतो. यासह, त्याचे ग्राउंड क्लीयरन्स 205/208 मिमी असेल. ही कार 1.3 लीटर पेट्रोल इंजिनसह भारतीय बाजारात लॉन्च केली जाऊ शकते. सब-कॉम्पॅक्ट एसयूव्ही ई-टेक हायब्रिड आणि माइल्ड-हायब्रिड टेक पॅकसह ऑफर केली जाईल.
ऑटोमॅटिक गिअरबॉक्स मिळू शकतो –
मात्र, या कारच्या लुक आणि फीचर्सबाबत रेनॉल्ट मोटर्सकडून कोणतीही अधिकृत प्रतिक्रिया देण्यात आलेली नाही. परंतु, चाचणी दरम्यान समोर आलेली गुप्तचर प्रतिमा पाहता, असा अंदाज लावला जात आहे की या रेनॉल्ट उत्पादनास मॅन्युअल तसेच स्वयंचलित गिअरबॉक्स (automatic gearbox) मिळू शकेल.