Shares of Government Banks : जर तुम्ही शेअर बाजारात गुंतवणूक करत असाल तर ही बातमी खास तुमच्यासाठी आहे. कारण सार्वजनिक क्षेत्रातील बँक समभागांनी या वर्षी जबरदस्त परतावा दिला आहे.
यामध्ये युको बँक, बँक ऑफ बडोदा (बीओबी), पंजाब अँड सिंध बँक, युनियन बँक ऑफ इंडिया, सेंट्रल बँक, इंडियन बँक आणि बँक ऑफ इंडिया या सर्व बँकांनी गुंतवणूकदारांना मालामाल केले आहे.
युको बँकेच्या समभागांनी 192% परतावा दिला आहे
सार्वजनिक क्षेत्रातील UCO बँकेच्या समभागांनी गेल्या 6 महिन्यांत जवळपास 192% परतावा दिला आहे. 20 जून 2022 रोजी UCO बँकेचे शेअर्स 10.52 रुपयांच्या पातळीवर होते.
सार्वजनिक क्षेत्रातील बँकेचे शेअर्स 29 डिसेंबर 2022 रोजी बीएसई येथे 30.80 रुपयांवर बंद झाले आहेत. जर एखाद्या व्यक्तीने 20 जून 2022 रोजी UCO बँकेच्या शेअर्समध्ये 1 लाख रुपये गुंतवले असते, तर सध्या हे पैसे 2.92 लाख रुपये झाले असते.
पंजाब आणि सिंध बँकेच्या समभागांनी 6 महिन्यांत 147% परतावा दिला
पंजाब आणि सिंध बँकेच्या शेअर्सने गेल्या 6 महिन्यांत जवळपास 147% परतावा दिला आहे. बीएसी येथे 21 जून 2022 रोजी पंजाब आणि सिंध बँकेचे शेअर्स 12.50 रुपयांवर होते.
सरकारी मालकीच्या बँकेचे शेअर्स 29 डिसेंबर 2022 रोजी BSE येथे रु.32.45 वर बंद झाले. दुसरीकडे, बँक ऑफ बडोदा (BoB) च्या समभागांनी यावर्षी आतापर्यंत सुमारे 121% परतावा दिला आहे.
वर्षाच्या सुरुवातीला 3 जानेवारी 2022 रोजी बँक ऑफ बडोदाचे शेअर्स 83.75 रुपये होते. तेच आता 29 डिसेंबर 2022 रोजी बँकेचे शेअर्स 185.35 रुपयांवर बंद झाले आहेत.