Male Fertility: बहुतेकदा असे मानले जाते की, स्त्रियांना मुले होण्यासाठी योग्य वय असते तर पुरुषांना कोणत्याही वयात मुले होऊ शकतात.पण हे पूर्णपणे सत्य नाही. मुले होण्याच्या बाबतीत पुरुषांच्या वयाइतकेच स्त्रियांचे वय महत्त्वाचे असते. याचे कारण म्हणजे वाढत्या वयाबरोबर पुरुषांमध्ये शुक्राणूंची संख्या (Sperm count in males) आणि त्याची गुणवत्ता कमी होऊ लागते.
वडील होण्यासाठी योग्य वय (The right age to be a father) –
तज्ज्ञांच्या मते, पुरुषांसाठी वडील बनण्यासाठी 20 ते 30 वर्षे वय योग्य आहे. तसेच पुरुष 50 किंवा त्याहून अधिक वयाचे असले तरीही मुले होऊ शकतात. गिनीज वर्ल्ड रेकॉर्डनुसार, एका व्यक्तीने वयाच्या 92 व्या वर्षी मुलाला जन्म देऊन वडील बनला.
संशोधकांचे म्हणणे आहे की, मुलाला जन्म देण्यासाठी पुरुषांचे वय खूप महत्वाचे आहे. वयाच्या 40 वर्षांनंतर पुरुषांमध्ये बाप होण्याची शक्यता कमी होऊ लागते.
बायोलॉजिकल क्लॉक (Biological clock) –
पुरुषांमध्ये शुक्राणूंची निर्मिती कधीच थांबत नाही, परंतु वयानुसार शुक्राणूंचे डीएनए (DNA) खराब होण्याची शक्यता लक्षणीय वाढते, ज्यामुळे प्रजनन क्षमतेवर परिणाम होतो. न जन्मलेल्या मुलाच्या आरोग्यावरही त्याचा वाईट परिणाम होऊ शकतो.
अनेक अभ्यासांमध्ये हे उघड झाले आहे की, जेव्हा पुरुष मोठ्या वयात पिता बनतात तेव्हा मुलांमध्ये न्यूरोडेव्हलपमेंटल (Neurodevelopmental) विकार होऊ शकतात. 2010 च्या एका अभ्यासात असे दिसून आले आहे की, 40 वर्षांच्या वयानंतर वडील बनलेल्या पुरुषांना त्यांच्या मुलांमध्ये ऑटिझम स्पेक्ट्रम विकसित होण्याचा धोका पाचपट आहे.
कोणत्या वयानंतर शुक्राणूंची निर्मिती थांबते –
जागतिक आरोग्य संघटनेने वीर्याचे काही निकष ठेवले आहेत ज्यावरून निरोगी शुक्राणू ठरवले जातात. यामध्ये शुक्राणूंची संख्या, आकार आणि हालचाल समाविष्ट आहे. त्यानुसार वयाच्या 35 व्या वर्षी पुरुषांमध्ये शुक्राणूंचे हे पॅरामीटर खराब होऊ लागते.
यावेळी पुरुष सर्वात प्रजननक्षम असतात –
22 ते 25 वर्षांच्या दरम्यान, पुरुष सर्वात प्रजननक्षम असतात. अशा परिस्थितीत, त्यांना 35 वर्षांच्या आधी मुले जन्माला घालण्याचा सल्ला दिला जातो कारण या वयानंतर प्रजनन क्षमता बिघडू लागते. जर तुम्ही वयाच्या 45 वर्षांनंतर मूल होण्याचा विचार करत असाल तर सर्वप्रथम डॉक्टरांशी संपर्क साधा.
या वयात वडील बनणे धोकादायक असू शकते –
जर्नल ऑफ एपिडेमियोलॉजी अँड कम्युनिटी हेल्थमध्ये प्रकाशित झालेल्या एका संशोधनात असे आढळून आले आहे की, वयाच्या 25 वर्षापूर्वी वडील बनल्याने पुरुषांना आरोग्याच्या अनेक गंभीर समस्या उद्भवू शकतात.
असे घडते कारण बहुतेक पुरुष लहान वयात वडील होण्यासाठी मानसिक आणि आर्थिकदृष्ट्या (Mentally and financially) तयार नसतात आणि नंतर त्याचा फटका त्यांना सहन करावा लागतो.