Gmail Features: जीमेल (Gmail) हे डिजिटल जगतातील (digital world) एक प्रसिद्ध नाव आहे. बहुतेक स्मार्टफोन (smartphone) वापरकर्त्यांचे Gmail वर खाते आहे.
शाळा (school) , कॉलेज (college) ते ऑफिसपर्यंतच्या (office) कामासाठी हे अत्यंत महत्त्वाचे व्यासपीठ (platform) आहे. तुम्हीही जीमेल वापरत असाल, तर त्यातील ही अतिशय महत्त्वाची आणि बेस्ट फीचर्स जाणून घेणे महत्त्वाचे आहे.
या फीचर्सच्या मदतीने तुमची जीमेल वापरण्याची मजा द्विगुणित होणार आहे. चला जाणून घेऊया Gmail च्या या बेस्ट फीचर्सबद्दल..
GMAIL Preview Panel
जीमेलवर उपलब्ध असलेल्या या फीचरच्या मदतीने तुम्हाला एकाच वेळी अनेक मेल्स वाचण्याची सुविधा मिळते. हे फीचर उघडल्यानंतर इनबॉक्स दोन भागात विभागला जातो. एक भाग ईमेलची सूची दाखवतो आणि एक भाग क्लिक केलेले ईमेल दाखवतो.
म्हणजेच, तुम्ही त्याच स्क्रीनवर ईमेलची यादी आणि त्या ईमेलमध्ये लिहिलेले संदेश देखील पाहू शकता. तुम्ही या सूचीमधून मेल सहजपणे निवडू शकता आणि एक एक करून वाचू शकता.
हे पॅनल उघडण्यासाठी तुम्हाला जीमेल लॅबमध्ये जाऊन कॉग पर्याय निवडावा लागेल. यानंतर सेटिंग्जमधून preview panel निवडा. यानंतर तुम्हाला दोन वेगवेगळे स्लॉट मिळण्यास सुरुवात होईल.
Schedule Emails at any time
तुम्हाला Gmail वर ईमेल शेड्यूल करण्याचे फीचर्स देखील मिळते. या फीचरच्या मदतीने तुम्ही तुमचा ईमेल शेड्यूल करू शकता. म्हणजेच, जर तुम्हाला सकाळी सहा वाजता ईमेल पाठवायचा असेल, तर तुम्ही एक दिवस अगोदर वेळ आणि तारखेसह शेड्यूल करू शकता आणि हा ईमेल नियोजित वेळ आणि तारखेला आपोआप पाठवला जाईल.
हे फीचर्स वापरण्यासाठी, तुम्हाला डाउन अॅरोवर टॅप करावे लागेल आणि शेड्यूल सेंड पर्यायावर क्लिक करावे लागेल. यानंतर तुम्ही प्रीसेटच्या पर्यायावर क्लिक करून तारीख आणि वेळ निवडा. यानंतर, पिक डेट आणि टाइम या पर्यायावर क्लिक करून ईमेल शेड्यूल करा.
Snooze Emails
जीमेलच्या या फीचरच्या मदतीने तुम्ही कमी महत्त्वाचे ईमेल स्नूझ (Snooze Emails) करू शकता. म्हणजेच, स्नूझ केलेला ईमेल थोड्या काळासाठी किंवा दिवसासाठी अदृश्य होतो. तुम्ही हा ईमेल स्नूझ केलेल्या विभागात देखील पाहू शकता किंवा काही वेळानंतर हा ईमेल इनबॉक्स मध्ये आपोआप दिसेल