Nuts Eating Benefits : आहारतज्ञ नेहमीच आपल्याला रोजच्या आहारात नट्सचा समावेश करण्याचा सल्ला देतात. कारण यात भरपूर प्रमाणात पोषक तत्व आढळतात. तसेच ते खायला देखील खूप चवदार असतात. नट्सचा वापर आपण शेक आणि मिठाई बनविण्यासाठी करतो. यात प्रथिने, खनिजे, कार्बोहायड्रेट, फायबर, लोह, निकोटिनिक ऍसिड, थायामिन आणि इतर अनेक पोषक घटक आढळतात.
बहुतेक लोकांना नट्स खाण्याची योग्य पद्धत माहित नसते, ज्यामुळे त्यांना ते खाण्याचे जास्त फायदे मिळत नाहीत. म्हणूनच आज आम्ही या लेखात ड्रायफ्रूट्स खाण्याची योग्य पद्धत आणि योग्य वेळ सांगणार आहोत-
नट्स खाण्याची योग्य पद्धत कोणती?
1. अक्रोड
अक्रोड आपल्या मेंदूसाठी खूप फायदेशीर आहे. अक्रोडमध्ये ओमेगा-३ फॅटी अ‍ॅसिड असते. हे केसांसाठी देखील खूप फायदेशीर मानले जाते. याचे अधिक फायदे मिळवण्यासाठी अक्रोड रात्रभर पाण्यात भिजवून ठेवा आणि दुसऱ्या दिवशी सकाळी खा. यामुळे पचनशक्ती मजबूत होते आणि ऊर्जा देखील वाढते.
2. बदाम
बदाममध्ये अँटिऑक्सिडंट्स, दाहक-विरोधी गुणधर्म, प्रथिने आणि व्हिटॅमिन-ई व्यतिरिक्त, निरोगी चरबी देखील बदामामध्ये पुरेशा प्रमाणात आढळतात. बदाम खराब कोलेस्ट्रॉल कमी करण्यास मदत करते, तसेच बदामामध्ये फॅट्स, प्रोटीन, फायबर आणि पोटॅशियम इ. घटक देखील आढळतात.
तुम्ही रात्री 5-6 बदाम पाण्यात भिजवून ठेवा आणि सकाळी ते खा. हे तुम्हाला ताजेतवाने ठेवायला मदत करते. तुम्ही कच्चेही खाऊ शकता किंवा तुम्ही बदामाचा शेक बनवून पिऊ शकता.
3. काजू
काजूमुळे हृदयविकाराचा धोका कमी होतो. काजूच्या बियांमध्ये निरोगी चरबी, प्रथिने, जस्त, मॅंगनीज यांसारखी खनिजे भरपूर असतात. काजू तुम्ही सकाळी नाश्त्यात खाऊ शकता. तुम्ही काजू शेक बनवूनही पिऊ शकता.
4. पिस्ता
पिस्ता चवीला खूप चांगला असतो आणि तो आरोग्यासाठीही खूप फायदेशीर मानला जातो. यामध्ये पुरेशा प्रमाणात पोषक तत्वे असतात ज्यामुळे आपली हाडे मजबूत होतात.
पिस्त्यात फायबर, एमिनो अ‍ॅसिड, मॅग्नेशियम, पोटॅशियम, थायामिन, जीवनसत्त्वे आणि इतर अनेक पोषक तत्व असतात जे शरीरासाठी खूप फायदेशीर मानले जातात. तुम्ही ते सकाळी रिकाम्या पोटी खाऊ शकता. याशिवाय तुम्ही स्मूदी आणि मिल्कशेकमध्ये घालूनही त्याचा आनंद घेऊ शकता.