PNB Alerts Today : सध्या बँकिंग क्षेत्रात प्रचंड गोंधळ पाहायला मिळत आहे. जिथे एकीकडे आरबीआय नियमांचे उल्लंघन केल्याबद्दल दंडानंतर दंड आकारत आहे. तर बँका आता आपली कडक भूमिका दाखवत आहेत. अशातच पंजाब नॅशनल बँकेकडून एक बातमी समोर येत आहे.
बँकेने सोशल मीडियावर आपल्या ग्राहकांना एक महत्त्वाची माहिती दिली आहे, ज्यामध्ये त्यांना सांगण्यात आले आहे की, जर त्यांनी त्यांच्या खात्यात 2 वर्षांपासून कोणताही व्यवहार केला नसेल, तर त्यांनी ते त्वरित करावे, कारण काही दिवसात त्यांचे खाते बंद केले जाऊ शकते…
RBIचा नियम काय म्हणतो?
आरबीआयच्या नियमांनुसार, गेल्या 2 वर्षांपासून बँक खात्यात कोणताही व्यवहार झाला नसेल, तर बँकेला ते खाते निलंबित करण्याचा अधिकार आहे. यानंतर, खाते उघडण्यासाठी ग्राहकांना पुन्हा शाखेत जावे लागेल आणि संपूर्ण प्रक्रियेचे अनुसरण करावे लागेल.
त्यानंतरच निलंबित खाते सक्रिय होईल. PNB ने आपल्या ग्राहकांना शक्य तितक्या लवकर त्यांच्या खात्यातून कोणताही व्यवहार करण्यासाठी ही माहिती दिली आहे.
खाते निलंबित झाल्यावर काय करावे ?
तुमचे खाते निष्क्रिय किंवा निलंबित झाले असल्यास तुम्हाला तुमच्या बँकेच्या शाखेत जावे लागेल. तेथे पुन्हा ई-केवायसी सुरू करावे लागेल. केवायसी केल्यानंतर, तुमचे खाते काही दिवसात पुन्हा सक्रिय केले जाईल.
जर तुम्हाला खाते चालू ठेवायचे असेल तर व्यवहार करा. जर खाते वापरत नसाल तर तर बँकेत जाऊन खाते बंद करा. आणखी एक गोष्ट लक्षात ठेवा की बँक वेळोवेळी खात्यातून एसएमएस शुल्काची रक्कम डेबिट करत असते, जी व्यवहारांच्या यादीमध्ये समाविष्ट नाहीत.
आरबीआयच्या नियमांनुसार, बँक अशा ग्राहकांना नोटीस देखील पाठवते आहे, ज्यांनी 1 वर्षापासून त्यांच्या खात्यातून कोणताही व्यवहार केला नाही. अशातच व्यवहार लवकर करा अन्यथा आगामी काळात खाते बंद करण्यात येईल, असे नोटीसमध्ये म्हटले आहे.