RD Interest Rates : जर तुम्हाला गुंतवणुकीवर हमीभाव आणि अधिक नफा मिळवायचा असेल तर कुठे गुंतवणूक करणे योग्य ठरेल, हा प्रश्न जर तुमच्या मनात असेल तर आम्ही तुमच्यासाठी एक उत्तम गुंतवणूक पर्याय घेऊन आलो आहोत.
सध्या आरबीआय फ्लोटिंग रेट बचत रोख्यांवर आकर्षित व्यजदार दिले जात आहेत. जे बँक FD वर उपलब्ध व्याजदरापेक्षा जास्त आहे. यासोबतच लहान बचत योजनांवर मिळणारा व्याजदरही जास्त आहे. अशा परिस्थितीत, गुंतवणूकदारांना RBI बचत रोख्यांमध्ये गुंतवणूक करून अधिक परतावा मिळविण्याचा पर्याय उपलब्ध झाला आहे.
रिझर्व्ह बँक ऑफ इंडिया (RBI) ने जुलैच्या आढाव्यात फ्लोटिंग रेट बचत रोख्यांवर व्याजदर 7.35% वरून 8.05% पर्यंत वाढवला आहे. RBI बचत रोख्यांवरील व्याजदर राष्ट्रीय बचत प्रमाणपत्र (NSC) शी जोडलेले आहेत. त्यामुळे NSC च्या व्याजदरातील कोणताही बदल RBI बचत रोख्यांवर देऊ केलेल्या व्याजदरामध्ये दिसून येतो. RBI फ्लोटिंग रेट सेव्हिंग बॉण्ड्सवरील व्याजदर NSC वरील व्याजदरापेक्षा 0.35% जास्त आहे.
बँक मुदत ठेव व्याज दर
जर तुम्ही मुदत ठेवींमधील गुंतवणुकीवर उपलब्ध व्याजदर पाहिला तर तो RBI बाँडच्या तुलनेत कमी आहे. स्टेट बँक ऑफ इंडिया सामान्य नागरिकांना एफडीवर ६.५ टक्के व्याज देते. HDFC बँक ICICI 7-7 टक्के व्याजदर देते. हा व्याजदर 5 वर्षांच्या कालावधीसाठी उपलब्ध आहे.
लहान बचत योजनांवरील व्याजदर
केंद्र सरकार सप्टेंबर तिमाहीसाठी राष्ट्रीय बचत प्रमाणपत्र (NSC) वर 7.7 टक्के व्याज दर देत आहे. 5-वर्षीय पोस्ट ऑफिस मासिक उत्पन्न योजना खात्यावर (MIS) सप्टेंबर तिमाहीसाठी 7.4 टक्के व्याजदर दिला जात आहे.
आरबीआय फ्लोटिंग रेट सेव्हिंग बाँड्सचे फायदे :-
-भारतातील रहिवासी व्यक्ती आणि हिंदू अविभक्त कुटुंबे (HUFs) RBI च्या फ्लोटिंग रेट सेव्हिंग बाँडमध्ये गुंतवणूक करू शकतात.
-या बाँडमधील किमान गुंतवणुकीची मर्यादा 1,000 रुपयांपासून सुरू होते. परंतु कमाल रकमेवर मर्यादा नाही.
-RBI च्या फ्लोटिंग रेट सेव्हिंग बॉण्ड्समधील गुंतवणुकीचा कालावधी 7 वर्षांचा आहे. ६० वर्षे आणि त्याहून अधिक वयाच्या वैयक्तिक गुंतवणूकदारांना मुदतपूर्व पैसे काढण्याची परवानगी आहे.
-आरबीआय बाँड्स मॅच्युरिटी कालावधीवर व्याज देण्याची ऑफर देत नाहीत. रोख्यांची व्याजाची रक्कम दरवर्षी 1 जानेवारी आणि 1 जुलै रोजी सहामाही दिली जाते.
-RBI च्या फ्लोटिंग रेट बचत रोख्यांवर व्याजदर दर सहा महिन्यांनी म्हणजे दरवर्षी 1 जानेवारी आणि 1 जुलै रोजी रीसेट केला जातो.