Share Bazar : शेअर बाजारात गुंतवणूकदारांची संख्या सातत्याने वाढताना दिसत आहे, याचे सर्वात मोठे कारण म्हणजे येथे मिळणारा परतावा. येथील गुंतवणूक जरी जोखमीची असली तरी देखील येथील गुंतवणूकदारांची संख्या मोठी आहे. शेअर बाजरात रोज काही न काही हालचाल होते, काही शेअर वर तर काही शेअर खाली जाताना दिसतात. आज आपण अशा दोन्ही शेअरबद्दल जाणून घेणार आहोत.
आज BSE सेन्सेक्स 176.37 अंकांच्या घसरणीसह 72464.82 अंकांच्या पातळीवर उघडला. तर NSE चा निफ्टी 40.05 अंकांच्या घसरणीसह 21971.90 अंकांच्या पातळीवर उघडला.
आज व्यवहार झालेल्या कंपन्यांपैकी सुमारे 1,209 शेअर्स वाढीसह आणि 554 समभाग घसरणीसह उघडले. तर 153 कंपन्यांच्या शेअर्सचे भाव वाढ किंवा घट न होता उघडले. याशिवाय आज 18 शेअर्स 52 आठवड्यांच्या उच्च पातळीवर तर 14 शेअर्स 52 आठवड्यांच्या नीचांकी पातळीवर व्यवहार करत आहेत. आज सकाळपासून 77 शेअर्समध्ये अपर सर्किट तर 31 शेअर्समध्ये लोअर सर्किट लावण्यात आले आहे. याशिवाय आज डॉलरच्या तुलनेत रुपया 12 पैशांच्या कमजोरीसह 83.27 रुपयांवर उघडला.
आजचे टॉप 5 वाढलेले शेअर्स
सन फार्माचा शेअर सुमारे 24 रुपयांच्या वाढीसह 1,588.80 रुपयांवर उघडला. सिप्ला शेअर्स सुमारे 15 रुपयांच्या वाढीसह 1,464.00 रुपयांवर उघडले. यूपीएलचे शेअर्स सुमारे 4 रुपयांच्या वाढीसह 459.45 रुपयांवर उघडले. टायटन कंपनीचे शेअर्स सुमारे 32 रुपयांच्या वाढीसह 3,659.25 रुपयांवर उघडले. भारती एअरटेलचे शेअर्स सुमारे 10 रुपयांच्या वाढीसह 1,230.75 रुपयांवर उघडले.
आजचे टॉप 5 लूझर शेअर्स
HCL Tech चा शेअर 65 रुपयांच्या घसरणीसह 1,530.60 रुपयांवर उघडला. विप्रोचे शेअर्स सुमारे 18 रुपयांच्या घसरणीसह 482.25 रुपयांवर उघडले. इन्फोसिसचे शेअर्स सुमारे 49 रुपयांच्या घसरणीसह 1,505.90 रुपयांवर उघडले. LTI Mindtree चे शेअर्स 148 रुपयांच्या घसरणीसह 5,012.00 रुपयांवर उघडले. TCS चे शेअर्स सुमारे 105 रुपयांच्या घसरणीसह 3,868.00 रुपयांवर उघडले.