Post Office Scheme : भारतीय पोस्ट ऑफिसकडून अनेक प्रकारच्या बचत योजना चालवल्या जातात. पोस्ट ऑफिसच्या या योजनांमध्ये गुंतवणूक करून करोडो लोक चांगला परतावा मिळवत आहेत. पोस्ट ऑफिसकडून महिलांसाठी देखील एकापेक्षा एक उत्तम योजना राबवल्या जात आहेत. या योजनांमध्ये गुंतवणूक करून महिला देखील चांगला परतावा कमावत आहेत. तुम्ही देखील महिला असाल आणि तुमच्यासाठी योग्य गुंतवणूक पर्याय शोधत असाल तर आम्ही तुमच्यासाठी एक उत्तम योजना घेऊन आलो आहोत.
या पोस्ट ऑफिसच्या स्कीममध्ये 2 लाख रुपयांपर्यंत गुंतवणूक करून महिलांना बंपर परतावा मिळवू शकतात. आम्ही पोस्टाच्या ज्या योजनेबद्दल बोलत आहोत त्याचे नाव महिला सन्मान बचत पत्र आहे. या योजनेत लहान गुंतवणूक करून महिला चांगला परतावा कमावू शकतात.
महिला सन्मान बचत पत्र ही पोस्ट ऑफिसद्वारे चालवल्या जाणार्‍या लहान बचत योजनांप्रमाणेच एक आहे. पोस्ट ऑफिस महिला सन्मान बचत प्रमाणपत्र योजनेत गुंतवणूक केल्याने महिलांना कोणत्याही प्रकारच्या बाजारातील जोखमीचा सामना करावा लागणार नाही. यामध्ये तुम्हाला हमखास परतावा मिळेल.
कोण खाते उघडू शकतात?
या योजनेअंतर्गत महिला 2 वर्षांसाठी जास्तीत जास्त 2 लाख रुपये जमा करू शकतात. या दोन वर्षांत गुंतवणुकीवर 7.5 टक्के निश्चित दराने व्याज दिले जाईल. यातून महिला भविष्यात बचत करून स्वावलंबी होऊ शकतील.
या योजनेत जमा केलेल्या रकमेवर सरकारकडून कर सूटही दिली जाईल. या योजनेत गुंतवणूक करून सर्व महिलांना करात सवलत मिळेल. योजनेअंतर्गत 10 वर्षे किंवा त्याहून अधिक वयाच्या मुलीही येथे त्यांचे खाते उघडू शकतात.
महिला सन्मान बचत पत्र योजना योजनेअंतर्गत पोस्ट ऑफिस दोन वर्षांच्या कालावधीत 7.5 टक्के दराने व्याज देणार आहे. उदाहरणार्थ, जर तुम्ही एकदा 2 लाख रुपये गुंतवले तर तुम्हाला पहिल्या वर्षी 15,000 रुपये आणि दुसऱ्या वर्षी 16,125 रुपये नफा मिळेल. म्हणजेच दोन वर्षात 2 लाख रुपयांच्या गुंतवणुकीवर तुम्हाला योजनेअंतर्गत 31,125 रुपयांचा लाभ मिळेल.