अहमदनगर Live24 टीम, 10 मार्च 2021:- घर खरेदीदारांसाठी चांगली बातमी आहे. कर्नाटकच्या येडियुरप्पा सरकारने मुद्रांक शुल्कात मोठी कपात केली आहे.
कर्नाटकचे मुख्यमंत्री बीएस येडियुरप्पा यांनी 2021-22 वर्षासही कर्नाटक राज्य अर्थसंकल्प सादर करताना ही घोषणा केली. सरकारच्या या निर्णयामुळे 35 ते 45 लाख रुपयांपर्यंतच्या फ्लॅट खरेदीदारांना मोठा दिलासा मिळणार आहे.
किती बचत होईल :- मुद्रांक शुल्कात कपात झाल्यानंतर 35 लाख रुपयांच्या फ्लॅट खरेदीदाराची 70,000 रुपयांची बचत होईल आणि 45 लाख रुपयांचे घर खरेदी केल्यावर 90,000 रुपयांची बचत होईल.
शिवाय, बजेट भाषणात येडियुरप्पा म्हणाले की ग्रॉस स्टेट डोमेस्टिक प्रोडक्ट (जीएसडीपी) मध्ये 2.6 टक्क्यांनी घट झाली आहे. कोरोना संसर्गाचा प्रसार रोखण्यासाठी लॉकडाऊनमुळे जीएसडीपी घटली.
महाराष्ट्र सरकारनेही मुद्रांक शुल्कात कपात केली होती :- यापूर्वी महाराष्ट्र सरकारने मुद्रांक शुल्कात मोठी कपात केली होती. रिअल इस्टेट क्षेत्राला चालना देण्यासाठी महाराष्ट्र सरकारने सप्टेंबर 2020 मध्ये घर नोंदणीसाठीच्या मुद्रांक शुल्कामध्ये कपात केली होती.
सप्टेंबर ते डिसेंबर 2020 पर्यंत मुद्रांक शुल्क 2 टक्के ठेवण्यात आले आणि जानेवारी ते मार्च 2021 पर्यंत 3 टक्के मुद्रांक शुल्काचा निर्णय घेण्यात आला. सप्टेंबरपूर्वी महाराष्ट्रात घर नोंदणीसाठी 5 टक्के मुद्रांक शुल्क फी भरणे आवश्यक होते.
कृषी क्षेत्रात वाढ :- मुख्यमंत्री येडियुरप्पा म्हणाले, सेवा व उद्योग क्षेत्रात 3.1 टक्के आणि 5.1 टक्क्यांनी घट झाली असली तरी कृषी क्षेत्रात 6.4 टक्के वाढ झाली आहे.
- ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|