नगर : पालकमंत्री प्रा. राम शिंदे यांनी कर्जत-जामखेड मतदारसंघातून, तर माजी मंत्री बबनराव पाचपुते यांनी श्रीगोंदा मतदारसंघातून मंगळवारी उमेदवारी अर्ज दाखल केले. जिल्ह्यात मंगळवारी एकूण सात उमेदवारांनी दहा उमेदवारी अर्ज दाखल केले.
मंगळवारअखेर एकूण १७ इच्छुकांनी अर्ज दाखल केले आहेत. दरम्यान, मंगळवारी जिल्ह्यातील सर्व बारा विधानसभा मतदारसंघामध्ये मिळून तब्बल ११३ इच्छुकांनी अर्ज नेले आहेत. मंगळवारी कर्जत-जामखेड मतदारसंघातून प्रा.राम शिंदे यांनी भारतीय जनता पक्षाकडून दोन अर्ज दाखल केले.
बबनराव पाचपुते यांनीही श्रीगोंदा मतदारसंघातून भाजपकडून अर्ज दाखल केला. नेवासा मतदारसंघात नेवासे पंचायत समितीच्या माजी सभापती सुनीता शंकरराव गडाख यांनी एक अर्ज क्रांतिकारी शेतकरी पक्ष व एक अर्ज अपक्ष असे एकूण दोन अर्ज, पारनेर मतदारसंघात भाऊसाहेब माधव खेडेकर यांनी अपक्ष आणि निलेश ज्ञानदेव लंके यांनी राष्ट्रवादी पक्षाच्या वतीने अर्ज दाखल केला.
- Success Story: वडिलांसोबत ऊस तोडणीचे काम करत केला अभ्यास! आता कष्टाने झाली फौजदार, वाचा या कन्येची यशोगाथा
- शहापूरकर यांनी घेतली दुग्ध व्यवसायात भरारी! 40 पंढरपुरी म्हशींच्या पालनातून महिन्याला करतात साडेचार लाखांची कमाई
- रेल्वेत 8 हजार तर स्टाफ सिलेक्शनमध्ये 3 हजारपेक्षा जास्त पदांसाठी मेगाभरती
- अहमदनगर जिल्ह्यातील ‘या’ दोन तालुक्यात नियम डावलून सिंचन विहिरीच्या कामांना मंजुरी
- नगर दक्षिणेत होणार तिरंगी लढत ! एम आय एम मुळे महाविकास आघाडीच्या अडचणीत वाढ