नेवासा : तालुक्यातील देडगावला शेषराव पांडुरंग मोरे (वय ५८) यांचा खून करण्यात आला. सोमवारी रात्री ही घटना घडली. याप्रकरणी दोघांविरुद्ध नेवासा पोलिसात गुन्हा दाखल करण्यात आला आहे. दारूच्या वादातून हा खून झाला असल्याचा प्राथमिक अंदाज पोलिसांनी वर्तविला आहे.
संभाजी शिवाजी थोरात, लक्ष्मण एकनाथ ऐडके (दोघे रा. देडगाव, ता. नेवासा) अशी आरोपींची नावे आहेत. याबाबत गणेश शेषराव मोरे यांनी दिलेल्या फिर्यादीत म्हटले आहे की, सोमवारी (दि. ७) रात्री आठ वाजेच्या सुमारास मी व भाऊ रमेश मोरे तसेच गावातील माझे मित्र देडगावच्या स्टॅन्डवर गप्पा मारत होतो.
त्यावेळी गावातील संभाजी थोरात याच्या दुचाकीवर वडील शेषराव मोरे व त्यांच्या पाठीमागे लक्ष्मण ऐडके असे तिघेजण तेलकुडगाव रस्त्याने जाताना दिसले होते. त्यानंतर मी व भाऊ आम्ही घरी आलो. दुसऱ्या दिवशी मंगळवारी (दि. ८) सकाळी सात वाजता झोपेतून उठल्यानंतर वडील घरात दिसले नाही.
आई, आजी, आजोबा, भाऊ यांच्याकडे विचारपूस केली असता ते घरी आले नसल्याचे समजले. त्यामुळे मी, भाऊ रमेश व इतर नातेवाईकांनी वडिलांचा गावात शोध घेतला असता ते मिळून आले नाही. त्यामुळे ते रात्री थोरात व ऐडके यांच्याबरोबर जाताना पाहिले होते. ऐडके याचे घर त्याच रस्त्याला असल्याने आम्ही लक्ष्मण ऐडके याच्या घरी गेलो.
- अहमदनगर ब्रेकिंग : लोकसभा निवडणुकीत ह्या 6 उमेदवारांचे अर्ज ठरले अवैध ! पहा 36 उमेदवारांची नावे…
- पुणेकरांच्या सेवेत आणखी एक एक्सप्रेस ट्रेन ! कसा राहणार रूट, वेळापत्रक अन थांबे ?
- शेवगावात डॉ. सुजय विखे यांचा डंक्का प्रचार दौऱ्यातून साधला लोकांशी संवाद
- सरकारी कर्मचाऱ्यांसाठी खुशखबर…! लोकसभा निवडणूक झाल्यानंतर पगार वाढणार, 8वा वेतन आयोगाची फाईल तयार
- माळशेज रेल्वे कृती समितीचा लंके यांना पाठींबा समितीच्या कार्यकारी मंडळाचे पाठींब्याचे पत्र