संगमनेर: संगमनेर येथील सुकेवाडी भागातील व्यापारी मनोहर दगडू सातपुते यांच्याकडून उत्तर प्रदेश येथील आरोपी अमन राजपूत , मनोहर राजपूत रा . ललई , पोस्टे खेरगड , फिरोजाबाद या दोघांनी वेळोवेळी कांदा माल खरेदी केला.
हा कांदा ट्रकने पाठविण्यात आला . या सर्व कांद्याची रक्कम १ कोटी ३३ लाख ६६ हजार ८०३ रुपये झाली. हे पैसे मनोहर सातपुते या व्यापाऱ्याने वेळोवेळी फोन करुन संपर्क केला असता आरोपी अमन राजपूत व मनोहर राजपूत या दोघांनी फोन बंद ठेवला व कांदा नेवून त्याची रक्कम १ कोटी ३३ लाख ६६ हजार ८०३ रुपये न देता कांदा नेवून फसवणूक केली.
वरीलप्रमाणे कांदा व्यापारी मनोहर दगडू सातपुते यांच्या फिर्यादीवरुन आरोपी परप्रांतीय अमन राजपूत , मनोहर राजपूत या दोघांविरुद्ध संगमनेर शहर पोलिसांत फसवणुकीचा गुन्हा दाखल करण्यात आला .