अहमदनगर Live24 टीम, 03 डिसेंबर 2020 :- आपण अनेक अडचणीत सापडलेल्या लोकांच्या कथा ऐकल्या असतील कि ज्यांनी त्याही परिस्थितीवर मात करत आपले जीवन यशस्वी बनवले. आज आपण अलाहाबादच्या गीता जयस्वालची कहाणी पाहणार आहोत.
कधी काळी त्या एक-एक रुपयासाठी परेशान होत्या. मुलीचे शिक्षणही व्यवस्थित होत नव्हते. परंतु आज त्या महिन्याला 50 हजार रुपये कमावत आहेत. टिफिन सेंटर सुरू करण्यापासून ते इडली-सांभर स्टॉलपर्यंत त्यांची कहाणी प्रेरणादायक आहे.
गीता म्हणातात की ही गोष्ट अलाहाबादची आहे. तेव्हा मी माझ्या नवऱ्याबरोबर राहायची. एक लहान मुलगी होती. नवरा जे कमवायचा त्यातून घर चालत नसे. माझ्या मूलभूत गरजा भागविण्यासाठी माझ्याकडे पैसेही नव्हते. मुलाना चांगले शिक्षणदेखील मिळू शकले नाही. ‘मी काय करावे या विचारात असतानाच कुणीतरी टिफिन सेंटर सुरू करण्याचा सल्ला दिला.
मी एका मुलीला टिफिन देण्यास सुरवात केली. काही दिवसांनी मला पीजीची नोकरी मिळाली. 15 मुलांसाठी जेवण होते. मग मी तीन टाइम 1800 रुपयात जेवण देत असे. सकाळपासून रात्री उशिरापर्यंत हे काम चालू असे, यामधून महिन्यास आठ ते दहा हजार रुपये वाचले जात होते.
2011 ते 2016 या काळात हे चालले. मग पीजीचे काम थांबले, ग्राहकही निघून गेले. नवीन ग्राहक मिळत नव्हते. अलाहाबादमध्ये मी दुसरे काहीच करु शकले नाही कारण मला अपमानाची भीती वाटत होती. माझी बहीण दिल्लीत राहत होती, म्हणून 2016 मध्ये मी माझ्या मुलीसह दिल्लीला आले. खाण्यापिण्याशी संबंधित काहीतरी व्यवसाय केला पाहिजे असे वाटत होते.
मग टिफिन सेंटर सुरू करण्याचा विचार केला. जिथे रहायचे तिथे तिने सर्वत्र पत्रके चिकटवली. कित्येक दिवसांनंतर ऑर्डर प्राप्त झाली. ऑर्डर देणारी व्यक्ती आयएएसची तयारी करत होती. त्याला खाणे आवडले. त्यामुळे संस्थेच्या अनेक मुलांनी त्याच्यामार्फत टिफिन घ्यायला सुरवात केली.
साडेतीन हजार रुपयांत मी तीन वेळेचे जेवण द्यायचे. काम व्यवस्थित केले होते. महिन्यास 35 ते 40 हजार रुपये इन्कम सुरू झाले. हे सर्व चार वर्षे चालले परंतु मार्च 2020 मध्ये सर्व काही थांबले. कोरोनाने सर्वच डबे बंद झाले. मी पुन्हा झिरोमध्ये आले.
गीता म्हणतात की, जुलैमध्ये मोठ्या धैर्याने मी पुन्हा एकदा फूड स्टॉल सुरू केला, परंतु यावेळी मी इडली-सांबार विकण्याचा विचार केला, कारण याची किंमत कमी आहे आणि सर्व वयोगटातील लोकांना ते आवडते. 28 जुलै रोजी काम सुरू झाले. काही दिवसातच व्यवसाय व्यवस्थित सुरू झाला. मी शालीमार बागेत एक स्टॉल लावला.
संध्याकाळी 5 ते 10 या वेळेत स्टॉल्स असतो. 40 ते 50 ग्राहक रोजचे येतात. मी इडली बरोबर डोसा देखील विकते. आता दिवसाला तीन ते साडेतीन हजार रुपयांचा व्यवसाय आहे. सर्व खर्च वगळता महिन्यास 40 ते 45 हजार रुपये शिल्लक राहतात.
गीता म्हणतात की सोशल मीडियावर व्हिडिओ बनवणाऱ्या बर्‍याच लोकांनी मला मदतही केली. हे काम आता वाढवायचे आहे. मी यापुढे टिफिन सेंटर चालवणार नाही. कोरोनाने यापूर्वी माझ्यासाठी एक मोठी समस्या निर्माण केली होती, परंतु म्हणूनच मी एका नवीन व्यवसायाकडे जाण्यास सक्षम झाले आणि आता सर्व काही व्यवस्थित चालू आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved