कर्जत : पाहुण्यांचा सन्मान करण्याची आपली संस्कृती असून, बाहेरून आलेले पार्सल सन्मानाने परत पाठवा, असे आवाहन पालकमंत्री प्रा. राम शिंदे यांनी राष्ट्रवादीचे उमेदवार रोहित पवार यांचे नाव न घेता केले. कर्जत तालुक्यातील राशीन गटात ना. शिंदे यांनी विविध गावांना भेटी देत ग्रामस्थाशी संवाद साधला, या वेळी ते बोलत होते.
वायसेवाडीत ना. शिंदेंसह भाजपा कार्यकर्त्यांचे जोरदार स्वागत करण्यात आले. या वेळी कैलास कायगुडे यांनी, गेली सत्तर वर्षे रस्त्यापासून दूर असलेलं गाव ना. शिंदे यांनी मुख्य रस्त्याला जोडले. राष्ट्रवादीने १५ वर्षे सत्तेच्या काळात एकही काम केले नाही.
मनसेचे जिल्हाध्ययक्ष पदाचा राजीनामा देऊन भाजपात आलेले सचिन पोटरे म्हणाले, राम शिंदे चळवळीतले कार्यकर्ते असल्यामुळे आपली भावना त्यांना समजत होती, तालुक्यातील अस्मितेच्या प्रश्नांवर आपण ना. शिंदे यांना कायम धारेवर धरले व सर्वात जास्त विरोध आपणच केला. मात्र, त्यांनी कधी आपल्यावर वैयक्तिक राग काढला नाही व त्रासही दिला नाही.
मतदारसंघातील कामे पाहून आणि बारामतीचे होणारे अतिक्रमण थोपविण्यासाठी आपण भाजपात प्रवेश केला. शिंदे हे जादूगार असून, त्यांनी मतदारसंघात अमुलाग्र बदल केला आहे. आपण एसटी डेपोचा पाठपुरावा सोडणार नाही, पक्ष सोडावा लागला असला तरी तालुक्यातील प्रश्न सोडणार नाही, असेही पोटरे म्हणाले.
या वेळी ना. शिंदे म्हणाले, मी आपलाच माणूस असून, तुम्ही मला कामे सांगा, कारण तुमचा हक्क आहे. पाहुण्यांचा सन्मान करण्याची आपली संस्कृती असून, बाहेरून आलेले पार्सल सन्मानाने परत पाठवू.
गेल्या ६० वर्षांत मतदारसंघात कामे झाली नव्हती, आता व्हायला लागली आणि हे पार्सल इकडे आले आहे. बारामतीकरांना आपला विकास होऊ लागल्याचे पहावेना म्हणून त्यांनी येथे लढण्याचा निर्णय घेतला असल्याचे म्हटले. .
या वेळी सुरेश पावणे, गणपत पांडुळे, नवनाथ पडवळ आदींची भाषणे झाली. वायसेवाडी येथे अनेक कार्यकर्त्यांनी भाजपात प्रवेश केला.
- सरकारने दिलेली 99150 टन कांदा निर्यातीची परवानगी जुनीच! नवीन एक किलोही निर्यातीला परवानगी नाही? वाचा माहिती
- शेतीमाल वाहतूक व्यवसायासाठी 14 किमी प्रति लिटर मायलेज देणारी घ्या ही पिकअप! शेतकऱ्यांना ठरेल फायद्याची, वाचा किंमत आणि वैशिष्ट्ये
- Cotton Variety: खरिपात करा कापसाच्या ‘या’ वाणांची लागवड आणि मिळवा कापसाचे भरघोस उत्पादन, वाचा माहिती
- धक्कादायक ! कोविडच्या दुसऱ्या लाटेतं पारनेरच्या रुग्णालयात 97 रुग्णांचा मृत्यू, निलेश लंकेंच्या ‘त्या’ कोविड सेंटरमध्ये झाला होता मोठा घोळ
- कांदा निर्यात बंदी उठविलेल्या निर्णय स्वागतार्ह- ना. विखे पाटील