Multibagger Stock : सरकारी कंपनी (Government company) भारत इलेक्ट्रॉनिक्स लिमिटेड (BEL) आपल्या गुंतवणूकदारांना (investors) बोनस शेअर्सची (bonus shares) भेट देणार आहे. भारत इलेक्ट्रॉनिक्स 2:1 च्या प्रमाणात बोनस शेअर्स ऑफर (Offer) करत आहे. म्हणजेच कंपनी 1 शेअरसाठी 2 बोनस शेअर्स देईल.
भारत इलेक्ट्रॉनिक्स (BEL), एरोस्पेस आणि संरक्षण क्षेत्रात काम करते. कंपनीने आर्थिक वर्ष 2022 साठी प्रति शेअर 150% अंतिम लाभांश जाहीर केला आहे. सरकारी कंपनीच्या शेअर्सने गुरुवार, 1 सप्टेंबर 2022 रोजी बीएसईवर 320.85 रुपयांचा नवा 52 आठवड्यांचा उच्चांक गाठला. व्यवहाराअंती कंपनीचे शेअर्स 319.85 रुपयांवर बंद झाले.
मल्टीबॅगर स्टॉकने 2 वर्षात 195% पेक्षा जास्त परतावा दिला
भारत इलेक्ट्रॉनिक्स लिमिटेड (BEL) च्या समभागांनी गेल्या दोन वर्षांत गुंतवणूकदारांना 195% पेक्षा जास्त परतावा दिला आहे. 4 सप्टेंबर 2020 रोजी कंपनीचे शेअर्स बॉम्बे स्टॉक एक्सचेंज (BSE) वर 106.35 रुपयांच्या पातळीवर होते.
1 सप्टेंबर 2022 रोजी BSE वर भारत इलेक्ट्रॉनिक्सचे शेअर्स 319.85 रुपयांवर बंद झाले. एखाद्या व्यक्तीने बरोबर 2 वर्षांपूर्वी कंपनीच्या शेअर्समध्ये 1 लाख रुपये गुंतवले असते आणि आपली गुंतवणूक कायम ठेवली असती, तर सध्या ही रक्कम 3 लाखांपेक्षा जास्त झाली असती.
कंपनीच्या समभागांना बाय रेटिंग मिळाले
देशांतर्गत ब्रोकरेज हाऊस जेएम फायनान्शिअलच्या विश्लेषकांनी भारत इलेक्ट्रॉनिक्स लिमिटेडच्या समभागांना खरेदी (BUY) रेटिंग दिले आहे. भारत इलेक्ट्रॉनिक्सच्या शेअर्सनी गेल्या एका वर्षात 68% पेक्षा जास्त परतावा दिला आहे.
त्याचवेळी, या वर्षात आतापर्यंत कंपनीच्या समभागांनी सुमारे 52% परतावा दिला आहे. गेल्या 27 महिन्यांत भारत इलेक्ट्रॉनिक्सचा स्टॉक 60 रुपयांच्या पातळीवरून 319.85 रुपयांवर पोहोचला आहे. गेल्या 6 महिन्यांत सरकारी संरक्षण कंपनीच्या शेअर्सनी लोकांना 48.11 टक्के परतावा दिला आहे.