हरियाणा विधानसभा निवडणुकीसाठी भाजप कोअर कमिटीची बैठक नवी दिल्लीतील भाजपच्या मुख्यालयात झाली. या बैठकीच्या अध्यक्षस्थानी भाजपचे राष्ट्रीय अध्यक्ष अमित शहा होते. यावेळी विधानसभा मतदारसंघनिहाय पक्षाच्या उमेदवाराच्या नावांवर चर्चा होऊन निर्णय घेण्यात आला.
पितृपक्षानंतर उमेदवारांची घोषणा करण्यात येणार असल्याचे भाजपने म्हटलेले आहे. आगामी महिन्यात २१ ऑक्टोबर रोजी विधानसभा निवडणुकीसाठी मतदान होत असून, या निवडणुकीच्या अनुषंगाच्या भाजपचे राष्ट्रीय अध्यक्ष अमित शहा यांच्या अध्यक्षतेखाली बैठकीचे आयोजन करण्यात आले होते.
या बैठकीला कार्यकारी अध्यक्ष जे.पी. नड्डा, मुख्यमंत्री मनोहरलाल खट्टर, हरियाणाचे प्रभारी अनिल जैन, हरियाणा निवडणूक प्रभारी नरेंद्रसिंह तोमर, प्रदेशाध्यक्ष सुभाष बरालांसह अनेक मान्यवर नेत्यांची उपस्थिती होती.
या बैठकीत विधानसभा मतदारसंघनिहाय पक्षाच्या उमेदवाराच्या नावांवर चर्चा होऊन निर्णय घेण्यात आला. पितृपक्षानंतर २८ सप्टेंबर रोजी संसदीय बोर्डाची बैठक होईल आणि या बैठकीतच उमेदवारांची घोषणा करण्यात येणार असल्याचे भाजपने म्हटलेले आहे.
तसेच राज्यात शिरोमणी अकाली दलासोबत युती करण्यात येणार आहे. या राज्यात २१ ऑक्टोबर रोजी ९० जागांसाठी मतदान होत असून, २४ रोजी मतमोजणी होणार आहे. या राज्यात भाजप-शिरोमणी अकाली दलासह काँग्रेस, आयएनएलडी, इनैलो पक्ष निवडणूक रिंगणात आहेत.
- अहमदनगर ब्रेकिंग : माजी आमदार विजय औटी शिवसेनेतून निलंबित
- आरोग्य व्यवस्थेला विकास प्रक्रीयेशी जोडण्याचे महत्वपूर्ण काम पंतप्रधान नरेंद्र मोदी यांच्या नेतृत्वाखाली झाले – पालकमंत्री राधाकृष्ण विखे पाटील
- अहमदनगर : स्वतःच्या जमिनीत सापडलेले गुप्तधन परत मिळावे यासाठी न्यायालयात याचिका ! सुनावणी सुरु, आतापर्यंत काय-काय घडलं ?
- NCL Pune Bharti 2024 : NCL पुणे मध्ये ‘या’ रिक्त जागांसाठी निघाली भरती, पदवीधारक उमेदवारांना मिळणार संधी!
- भाजपाच्या पाठींब्याचे बुमरँग विजय औटींवर उलटले ! पदाधिकाऱ्यांकडून नीलेश लंके यांना पाठींब्याची घोषणा