अहमदनगर: राष्ट्रवादीच्या दोन गटात नगर शहरातील नंदनवन लॉनसमोर झालेला राडा आणि त्यानंतर दोन्ही गटांनी पोलिसात गुन्हा दाखल करण्यासाठी धाव घेतली. मात्र, प्रकरण आपसात तडजोड होऊन मिटल्यानंतर कोतवाली पोलिसांनी स्वत: फिर्यादी होऊन दोन्ही गटाच्या कार्यकर्त्यावर गुन्हा दाखल केला.
आरोपींमध्ये माजी महापौर अभिषेक कळमकर, किरण काळे, सुरेश बनसोडे,यांच्या सह राष्टवादीच्या 30 कार्यकर्त्यांवर गुन्हे दाखल करण्यात आले आहेत.
विधानसभा निवडणुकीच्या पार्श्वभूमीवर राष्ट्रवादी काँग्रेसचे पक्षाध्यक्ष शरद पवार यांच्या उपस्थितीत झालेल्या कार्यकर्त्यांच्या मेळाव्यानंतर जगताप – कळमकर गटांमध्ये संघर्षाची ठिणगी पडली. शरद पवार यांची पाठ वळताच आमदार संग्राम जगताप यांच्या समर्थकांनी माजी महापौर अभिषेक कळमकर यांना धक्काबुक्की करत शिव्यांची लाखोली वाहिली.
त्यामुळे संतापाचा कडेलोट झालेल्या कळमकरांनी फिर्याद देण्यासाठी थेट कोतवाली पोलिस स्टेशन गाठले. त्यानंतर माजी आमदार दादाभाऊ कळमकर व आ. संग्राम जगताप या दोघांनीही पोलिस ठाणे गाठले. दोघांनी मध्यस्थी करीत वादावर पडदा टाकला आणि प्रकरण मिटले.
दरम्यान, या राडा आणि गोंधळबाजीची दखल घेत कोतवाली पोलिसांनी स्वत:हून फिर्याद दाखल केली. पो. कॉ. लहाडे यांच्या फिर्यादीनुसार गैरकायद्याची मंडळी जमवून शिवीगाळ, दमदाटी व आपसात मारहाण केल्याप्रकरणी गुन्हा दाखल झाला असून कोतवालीचे पोलिस निरीक्षक विकास वाघ हे या प्रकरणाचा तपास करीत आहेत.
- अहमदनगर ब्रेकिंग : माजी आमदार विजय औटी शिवसेनेतून निलंबित
- आरोग्य व्यवस्थेला विकास प्रक्रीयेशी जोडण्याचे महत्वपूर्ण काम पंतप्रधान नरेंद्र मोदी यांच्या नेतृत्वाखाली झाले – पालकमंत्री राधाकृष्ण विखे पाटील
- अहमदनगर : स्वतःच्या जमिनीत सापडलेले गुप्तधन परत मिळावे यासाठी न्यायालयात याचिका ! सुनावणी सुरु, आतापर्यंत काय-काय घडलं ?
- NCL Pune Bharti 2024 : NCL पुणे मध्ये ‘या’ रिक्त जागांसाठी निघाली भरती, पदवीधारक उमेदवारांना मिळणार संधी!
- भाजपाच्या पाठींब्याचे बुमरँग विजय औटींवर उलटले ! पदाधिकाऱ्यांकडून नीलेश लंके यांना पाठींब्याची घोषणा