Agriculture News: भारतात शेती व्यवसायाच्या (Farming) सुरुवातीपासूनच पशुपालन (Animal Husbandry) मोठ्याप्रमाणात केले जात आहे. पशुपालक शेतकरी बांधव (Livestock Farmer) पशुपालन मुख्यता दुग्धउत्पादन व्यवसायासाठी करत असतात. यामुळे पशुपालक शेतकरी (Farmer) पशूंना नेहमीच चांगले पशुखाद्य देण्याचा प्रयत्न करत असतात. त्यामुळे पशूंच्या दूध उत्पादन क्षमतेत वाढ होते. यासाठी शास्त्रज्ञ देखील पशूंसाठी कायम नवनवीन पशुखाद्य तयार करत असतात.
आता शास्त्रज्ञांनी पशु साठी एका विशिष्ट चॉकलेटची निर्मिती (Chocolate For Animals) केली आहे. या चॉकलेटमुळे दुभत्या पशुंची दूध उत्पादन क्षमता वाढणार आहे. मित्रांनो आतापर्यंत तुम्ही माणसांना चॉकलेट खाताना पाहिलं असेलच, पण आता प्राण्यांनाही त्याची चव चाखता येणार आहे. विशेष म्हणजे हे चॉकलेट केवळ चवीसाठी नाही. त्यामुळे जनावरांचे आरोग्य देखील सुधारणार आहे.
चौधरी सरवन कुमार हिमाचल प्रदेश कृषी विद्यापीठ, पालमपूरच्या पशुवैद्यकीय महाविद्यालयातील शास्त्रज्ञांनी हे चॉकलेट तयार केले आहे. मंडी जिल्ह्यातील सुंदरनगर येथील पशुपालकांना हे चॉकलेट उपलब्ध करून दिले जात आहे. 2.5 किलोचे चॉकलेट 80 रुपयांना दिले जात आहे. साधारणपणे शेतकरी जनावरांसाठी चारा म्हणून ढेप किंवा पशु खाद्य वापरतात. त्यामुळे जनावरांना आवश्यक पोषणद्रव्ये मिळत नाहीत. त्यामुळे दुभत्या जनावरांच्या दूध देण्याच्या क्षमतेसह पचनसंस्थेवरही परिणाम होतो.
ही गोष्ट लक्षात घेऊन शास्त्रज्ञांच्या मनात असे चॉकलेट बनवण्याची कल्पना आली. युरिया, मोलॅसेस (गुळाचे द्रावण किंवा मोलॅसिस), गचळ (उसाचा रस काढल्यानंतर अवशेष), मैदा, मोहरीची पोळी, तांदळाचा पेंढा, मीठ आणि कॅल्शियम यांसह इतर पौष्टिक घटकांपासून ते तयार केले जाते. हे चॉकलेट प्राण्याला सकाळी आणि संध्याकाळी पाच मिनिटे चाटावे लागते. सुंदरनगरच्या शेराड गावातील 150 शेतकऱ्यांना हे चॉकलेट देण्यात आले आहे.
या चॉकलेटचे फायदे : या चॉकलेटमध्ये सर्व आवश्यक पोषक तत्वे असतात, ज्याची प्राण्यांना आहारासोबत गरज असते. याच्या सेवनाने जनावरांची पचनशक्ती वाढते. दुभत्या जनावरांची दूध देण्याची क्षमता वाढते आणि अशक्तपणा येत नाही. वासरांना हे चॉकलेट चाटवल्याने त्यांचा विकास जलद होतो.
सुंदरनगर येथील कृषी विज्ञान केंद्राच्या शास्त्रज्ञ डॉ. ब्रिज वनिता ठाकूर यांनी सांगितले की, या चॉकलेटमुळे दुभत्या जनावरांची दूध देण्याची क्षमताही वाढते. हिमाचल प्रदेश कृषी विद्यापीठाचे कुलगुरू प्रा. एच.के.चौधरी म्हणाले की, विद्यापीठ आपल्या स्तरावर अॅनिमल चॉकलेट तयार करत आहे. ते कृषी विज्ञान केंद्रांमार्फत पशुपालकांपर्यंत पोहोचवले जात आहे. विद्यापीठाशी निगडित बचत गटही ते पशुपालक शेतकऱ्यांपर्यंत पोहोचवत आहेत.