IPhone 14 Series Launch Delay: अॅपलचा आयफोन 14 (iphone 14) या वर्षी लॉन्च होणार आहे. दरवर्षी कंपनी सप्टेंबरमध्ये ही मालिका लॉन्च करते. पण, ही बातमी चाहत्यांची मनं तुटू शकते. एका रिपोर्टमध्ये असे सांगण्यात आले आहे की आयफोन 14 सीरीज लाँच होण्यास या वर्षी विलंब होऊ शकतो.
मीडिया रिपोर्ट्सनुसार, याचे कारण चीन आणि तैवानमधील वाढता तणाव (escalating tensions between China and Taiwan) आहे. GSMArena ने याबाबत वृत्त दिले आहे. अॅपल (Apple) हे टीएसएमसीचे (TSMC) सर्वोच्च ग्राहक असल्याचे अहवालात सांगण्यात आले आहे. ही कंपनी चीनमधील पेगाट्रॉनला चिप पाठवते, जिथे आयफोन असेंबल केला जातो.
अमेरिकेच्या सभागृहाच्या अध्यक्षा नॅन्सी पेलोसी (Nancy Pelosi) यांच्या तैवान दौऱ्यानंतर चीन आणि तैवानमधील संबंध बिघडले आहेत. यामुळे, CCP ने नवीन नियम जारी केला आहे. यासह शिपिंग दस्तऐवजावर तैवान किंवा प्रजासत्ताक चीनचा उल्लेख केला जाऊ शकत नाही.
अहवालानुसार, याचा अर्थ असा होऊ शकतो की अनेक हार्डवेअर पुन्हा तैवानमध्ये पोहोचू शकतात आणि आयफोन 14 उत्पादनास विलंब होऊ शकतो. नॅन्सी पेलोसीच्या भेटीदरम्यान, पेगट्रॉनचे (pegtron) उपाध्यक्ष आणि TSMC कार्यकारी अधिकारी तिच्यासोबत दिसले.
यामुळे ही CCP आणि तैवान यांच्यातील व्यापार युद्धाची सुरुवात असू शकते. अॅपल आणि इतर अमेरिकास्थित कंपन्यांनाही याचा फटका सहन करावा लागू शकतो. अॅपल याबाबत तैवानच्या भागीदाराशी चर्चा करत आहे.
मेड इन तैवान किंवा रिपब्लिक ऑफ चायना ची सर्व लेबलिंग काढून टाकावी किंवा बदलली जावी अशी विनंती केली आहे. नुकत्याच आलेल्या एका अहवालात असे सांगण्यात आले की, कंपनी चीन आणि भारतातील कारखान्यांमधून iPhone 14 पाठवू शकते.
या वर्षी iPhone 14, iPhone 14 Pro, iPhone 14 Max आणि iPhone 14 Pro Max iPhone 14 सीरीजमध्ये लॉन्च केले जाऊ शकतात.