Big News : ओडिशाच्या बालासोर जिल्ह्यात झालेल्या भीषण रेल्वे अपघाताच्या पाच दिवसानंतर ही घटना घडली आहे. ओडिशाच्या बालासोरमध्ये 2 जून रोजी दोन पॅसेंजर ट्रेन आणि एक मालगाडी रुळावरून घसरल्याने एकूण 288 जणांना आपला जीव गमवावा लागला होता.
ओडिशाच्या जाजपूर रोड रेल्वे स्थानकावर बुधवारी मालगाडीने धडक दिल्याने सहा मजुरांचा मृत्यू झाला तर दोन जण गंभीर जखमी झाले. हे मजूर मालगाडीखाली आराम करत होते. एका अधिकाऱ्याने ही माहिती दिली.
त्यांनी सांगितले की, मुसळधार पावसापासून वाचण्यासाठी मजुरांनी उभ्या असलेल्या मालगाडीखाली आसरा घेतला होता, तेव्हा अचानक इंजिन नसलेली मालगाडी पुढे सरकू लागली आणि मजुरांना त्याखालून बाहेर पडण्याची संधी मिळाली नाही.
रेल्वेच्या प्रवक्त्याने सांगितले की, “अचानक वादळ आले. मालगाडी उभी असलेल्या शेजारील रेल्वे मार्गावर मजूर काम करत होते. त्यांनी त्याखाली आश्रय घेतला, पण दुर्दैवाने इंजिन नसलेली मालगाडी पुढे सरकू लागली, त्यामुळे अपघात झाला.
त्यामुळे सहा मजुरांचा मृत्यू झाला तर दोन जण जखमी झाले, अशी माहिती त्यांनी दिली. जखमींना कटक येथील एससीबी मेडिकल कॉलेज आणि हॉस्पिटलमध्ये दाखल करण्यात आले आहे.
एका निवेदनात, ईस्ट कोस्ट रेल्वेने म्हटले आहे, “रेल्वेच्या कामासाठी कंत्राटदाराने नियुक्त केलेल्या कंत्राटी कामगारांनी जाजपूर केओंझार रोड (स्टेशन) जवळ वादळ आणि पावसापासून संरक्षण मिळविण्यासाठी एका पार्क केलेल्या बॉक्सखाली आश्रय घेतला.” त्यात म्हटले आहे की, वादळामुळे थांबलेले डबे इंजिनशिवाय धावू लागले आणि हा अपघात झाला.
ओडिशाच्या बालासोर जिल्ह्यात झालेल्या भीषण रेल्वे अपघाताच्या पाच दिवसानंतर ही घटना घडली आहे. 2 जून रोजी ओडिशाच्या बालासोर येथे दोन पॅसेंजर ट्रेन आणि मालगाडी रुळावरून घसरल्याने एकूण 288 जणांना आपला जीव गमवावा लागला आणि 1,200 हून अधिक लोक जखमी झाले.