Gold Price Today: आठवड्याच्या तिसऱ्या व्यवहाराच्या दिवशी म्हणजेच बुधवारी सोन्याच्या किमतीत चांगलीच घसरण नोंदवण्यात आली आहे. सध्या भारतीय सराफा बाजारात (Indian bullion market) सोन्याच्या किमतीत (Gold Price) घसरण होत आहे.
म्हणजेच, तुम्हाला हवे असल्यास, सध्या तुम्हाला सोने खरेदी करण्याची अधिक चांगली संधी आहे. बाजारात सोन्याची विक्री त्याच्या सर्वकालीन विक्रमी किमतीपेक्षा खूपच कमी दराने होत आहे.
आज सोन्याचा भाव किती आहे
गुड रिटर्न वेबसाइटवरून मिळालेल्या माहितीनुसार, आज सोन्याच्या दरात लक्षणीय घट झाली आहे. Goodreturn वेबसाइटवर, 22 कॅरेट शुद्ध सोन्याचा भाव आज 320 रुपयांनी घसरून 46,580 रुपये प्रति दहा ग्रॅम झाला. पूर्वीच्या व्यवहारात सोन्याचा भाव 46,900 रुपये प्रति दहा ग्रॅम होता.
24 कॅरेट सोन्याची किंमत
22 कॅरेट सोन्याप्रमाणेच आज दिल्लीच्या सराफा बाजारात 24 कॅरेट सोन्याच्या दरातही घसरण झाली आहे. गुड रिटर्न वेबसाइटवर उपलब्ध आकडेवारीनुसार, मंगळवारी 24 कॅरेट सोन्याचा भाव 50,780 रुपये प्रति दहा ग्रॅम आहे. तर मागील व्यवहारात सोने 51,160 रुपयांच्या पातळीवर बंद झाले होते. म्हणजेच आज सोन्याच्या दरात 380 रुपयांची घसरण नोंदवली गेली.
सर्वकालीन विक्रमी किमतीपेक्षा सोने किती स्वस्त आहे?
आजच्या 24 कॅरेट सोन्याच्या किमतीवर नजर टाकली तर, सोनं त्याच्या सर्वकालीन विक्रमी किमतीपेक्षा खूपच स्वस्त विकलं जात आहे. ऑगस्ट 2020 मध्ये 24 कॅरेट सोन्याने 55,400 रुपये प्रति दहा ग्रॅम हा आतापर्यंतचा उच्चांक गाठला होता. आजच्या दराची या दराशी तुलना केल्यास आज सोन्याचा भाव 4,620 रुपयांनी घसरला आहे.