Petrol-Diesel Price Today: भारतीय तेल कंपन्यांनी (Indian Oil Companies) जवळपास दोन महिन्यांपासून पेट्रोल आणि डिझेलच्या दरात (Petrol and Diesel rates) कोणताही बदल केलेला नाही, त्यामुळे तेलाच्या महागाईबाबत सर्वसामान्यांना मोठा दिलासा मिळाला आहे.
इंडियन पेट्रोलियम मार्केटिंग कंपनी इंडियन ऑइल कॉर्पोरेशन (Indian Oil Corporation) च्या ताज्या अपडेटनुसार, राष्ट्रीय राजधानी दिल्लीमध्ये पेट्रोलची एक लिटर किंमत 96.72 रुपये आहे तर डिझेलची किंमत 89.62 रुपयांवर स्थिर आहे.
चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटरने विकले जात आहे. त्याच वेळी, कोलकातामध्ये पेट्रोलचा दर 106.03 आणि डिझेलचा दर 92.76 रुपये प्रति लिटर आहे. आंतरराष्ट्रीय बाजारात कच्च्या तेलाच्या किमतीत चढ-उतार होत असताना राष्ट्रीय स्तरावर 21 मे पासून पेट्रोल आणि डिझेलच्या किमती सातत्याने स्थिर आहेत.
अशा स्थितीत पेट्रोल-डिझेलचे दर किती दिवस वाढणार नाहीत, असा प्रश्न उपस्थित होत आहे. त्याचबरोबर कच्च्या तेलाच्या दरात सातत्याने घसरण होत राहिल्यास पेट्रोल आणि डिझेलही स्वस्त होऊ शकते, असे तज्ज्ञांचे मत आहे.
इंडियन ऑइल कॉर्पोरेशन (IOCL) च्या अधिकृत वेबसाइट iocl.com नुसार, देशाची आर्थिक राजधानी मुंबईत (Mumbai) पेट्रोल 106.31 रुपये आणि डिझेल 94.27 रुपये प्रति लिटर दराने विकले जात आहे. चला जाणून घेऊया आज महानगरांमध्ये पेट्रोल आणि डिझेलचे दर किती आहेत?
21 मे रोजी केंद्र सरकारने (central government) पेट्रोल आणि डिझेलवरील उत्पादन शुल्क कमी केले होते. सरकारने पेट्रोलवरील उत्पादन शुल्क 8 रुपयांनी आणि डिझेल 6 रुपयांनी कमी केल्यानंतर देशभरात पेट्रोल 9.50 रुपयांनी आणि डिझेल 7 रुपयांनी स्वस्त झाले आहे.
तेव्हापासून राष्ट्रीय स्तरावरील किमती बदललेल्या नाहीत. मात्र, महाराष्ट्र सरकारने अलीकडेच व्हॅटमध्ये कपात (Reduction in VAT) केली, ज्यामुळे राज्यातील पेट्रोल आणि डिझेलच्या किमतीत घट झाली आहे. राज्यस्तरीय करांमुळे वेगवेगळ्या राज्यांमध्ये पेट्रोल आणि डिझेलच्या किमती बदलतात.
पेट्रोल आणि डिझेलचे दर दररोज अपडेट केले जातात –
आंतरराष्ट्रीय बाजारपेठेतील कच्च्या तेलाच्या आधारावर तेल विपणन कंपन्या दररोज पेट्रोल आणि डिझेलच्या किमतींचा आढावा घेऊन दर निश्चित करतात. तुमच्या शहरातील पेट्रोल आणि डिझेलचे दर तुम्हाला एसएमएसद्वारे दररोज कळू शकतात.
यासाठी इंडियन ऑइलच्या (IOCL) ग्राहकांना RSP कोड लिहून 9224992249 या क्रमांकावर पाठवावा लागेल. तुमच्या शहराचा RSP कोड जाणून घेण्यासाठी येथे क्लिक करा.