IMD Alert : यंदा देशात मान्सूनने (Monsoon) वेळेवर हजेरी लावल्यामुळे शेतकरी वर्ग तसेच नागिरकांना उष्णतेपासून दिलासा मिळाला आहे. तर काही ठिकाणी अजूनही मुसळधार पाऊस (Heavy Rain) सुरूच आहे. तर अनेक राज्यांना येत्या ५ दिवस मुसळधार पाऊस पडण्याचा इशारा हवामान खात्याकडून (Weather Department) देण्यात आला आहे.
देशभरातील हवामानात पुन्हा एकदा मोठा बदल पाहायला मिळत आहे. प्रत्येक राज्यात रिमझिम पाऊस (drizzling rain) पडेल अशी अपेक्षा आहे. भारतीय हवामान केंद्राने (IMD) अनेक राज्यांसाठी अलर्ट जारी केला आहे.
राष्ट्रीय राजधानी दिल्ली, उत्तर प्रदेश, बिहार आणि झारखंडमध्ये पावसाची शक्यता असल्याचे IMD ने सांगितले आहे. याशिवाय IMD ने राजस्थान, गुजरात आणि महाराष्ट्रात (Maharashtra) पावसाबाबत रेड अलर्ट (Red Alert) जारी केला आहे.
शुक्रवारी जारी करण्यात आलेल्या बुलेटिनमध्ये सांगण्यात आले आहे की, 22 ते 27 जुलै दरम्यान जम्मू-काश्मीर, राजस्थान, उत्तराखंड आणि हिमाचल प्रदेशमध्ये मुसळधार पावसाची शक्यता आहे. याशिवाय हवामान खात्याने पंजाब, हरियाणा, चंदीगड आणि यूपीमध्येही पावसाचा इशारा दिला आहे.
हवामान खात्याने शुक्रवारी ओडिशामध्ये पुढील तीन दिवस मुसळधार पावसाची शक्यता वर्तवली आहे. याशिवाय, विभागाने छत्तीसगड, विदर्भ आणि मध्य प्रदेशात पुढील 5 दिवस मेघगर्जनेसह मुसळधार पावसाचा इशारा दिला आहे.
मध्य प्रदेशात 22 ते 25 जुलै, छत्तीसगडमध्ये 22 ते 25 जुलै आणि विदर्भात 22 ते 25 जुलै दरम्यान मध्य प्रदेशात पावसाची शक्यता आहे. त्याचबरोबर पश्चिम बंगाल आणि सिक्कीममध्येही हवामान खात्याने मुसळधार पावसाचा इशारा दिला आहे.
याशिवाय अरुणाचल प्रदेश, आसाम, मेघालय, नागालँड, मणिपूर, मिझोराम आणि त्रिपुरामध्ये पुढील 5 दिवसांत पावसाची शक्यता वर्तवण्यात आली आहे.
स्कायमेट वेदरच्या अहवालानुसार, मध्य प्रदेश, पूर्व राजस्थान, गुजरात, छत्तीसगड आणि तेलंगणाच्या काही भागांमध्ये काही ठिकाणी मुसळधार पावसासह हलका ते मध्यम पाऊस पडण्याची शक्यता आहे.
दुसरीकडे, मराठवाडा, विदर्भ, कोकण आणि गोवा आणि अंदमान निकोबार बेटांवर एक-दोन ठिकाणी मुसळधार पाऊस पडू शकतो. जम्मू-काश्मीर, हिमाचल प्रदेश, उत्तराखंड, पंजाब, हरियाणा, दिल्ली, उत्तर प्रदेश, बिहार, झारखंड आणि कर्नाटक आणि केरळमध्ये हलका ते मध्यम पाऊस पडण्याची शक्यता आहे.
ईशान्य भारत, ओडिशा, पश्चिम राजस्थान, सौराष्ट्र आणि कच्छमध्येही मध्यम स्वरूपाचा पाऊस पडू शकतो. देशातील अनेक राज्यांमध्ये गेल्या अनेक दिवसांपासून संततधार पाऊस सुरू आहे. महाराष्ट्र, उत्तराखंड, गुजरात आणि राजस्थानसह अनेक राज्यांमध्ये मुसळधार पावसामुळे लोकांना अडचणींचा सामना करावा लागत आहे.