India News Today : पंतप्रधान नरेंद्र मोदी (PM Narendra Modi) यांनी भाजपच्या खासदारांना (BJP MP) संसदीय दलाच्या बैठकीत महत्वाच्या सूचना दिल्या आहेत. केंद्र सरकारच्या योजना खासदारांनी घरोघरी जाऊन सांगण्याचे निर्देश मोदींनी दिले आहेत.
भाजपच्या संसदीय पक्षाच्या बैठकीत (Parliamentary party meeting) पंतप्रधान नरेंद्र मोदी यांनी 6 एप्रिल ते 14 एप्रिल या कालावधीत भाजपच्या स्थापना दिवसापासून ते डॉ. आंबेडकर जयंतीपर्यंत साजऱ्या केल्या जाणार्‍या कार्यक्रमाची सविस्तर माहिती खासदारांना दिली.
14 एप्रिलला आंबेडकर जयंती कार्यक्रमानिमित्त खासदारांनी आपापल्या भागात जाऊन सरकारी योजना (Government scheme) लोकांना सांगाव्यात, असे आदेश त्यांनी दिले.
यासोबतच तलावांची स्वच्छता, रक्तदान शिबिरे, आरोग्य शिबिरे, लसीकरण शिबिरे, महिलांसाठी आरोग्य शिबिरे, पोषण अभियान आदींचे मोठ्या प्रमाणावर आयोजन करण्याच्या सूचना त्यांच्या कार्यकर्त्यांना देण्यात आल्या आहेत.
आम्ही गरिबांसाठी काम करतो, सरकारच्या कल्याणकारी योजना तळागाळापर्यंत गेल्या पाहिजेत आणि हे लोकांना सांगितले पाहिजे, असे पंतप्रधान म्हणाले.
आम्ही सर्व माजी पंतप्रधानांचे संग्रहालय बनवत आहोत आणि आमचे कोणतेही राजकारण नाही. सर्व माजी पंतप्रधानांच्या योगदानाचा आदर करा.
केंद्र सरकारने (Central Government) काही काळासाठी वाढवलेल्या रेशन वितरण योजनेचाही पंतप्रधान नरेंद्र मोदी यांनी उल्लेख केला.
खासदारांना सल्ला देताना ते म्हणाले की, इतर लोक काहीही करत असले तरी आपण आपल्या संस्कारांनुसार काम केले पाहिजे आणि स्वतःवर लक्ष केंद्रित केले पाहिजे.
मनरेगा (MGNREGA) अंतर्गत आपापल्या भागात तलाव खोदण्यात यावेत, असे त्यांनी बैठकीत सांगितले. स्वातंत्र्याच्या 75 वर्षात तुमच्या परिसरात 75 तलाव बांधले पाहिजेत. 6 एप्रिल रोजी सकाळी 10 वाजता पंतप्रधान नरेंद्र मोदी यांच्या भाषणाने या 9 दिवसीय मोहिमेची सुरुवात होईल.
पंतप्रधान मोदींच्या ऑनलाइन भाषणाशी जोडण्यासाठी सर्व पक्षांच्या नेत्यांना मंडळ आणि जिल्हा स्तरावर एकत्र येण्यास सांगण्यात आले आहे.
पक्षाचे बूथ स्तरावरील कार्यकर्ते आणि पन्ना प्रमुख मोबाईल, लॅपटॉप, टीव्ही किंवा इतर ऑनलाइन माध्यमातून पंतप्रधानांचे भाषण ऐकतील.
देशभरात मोठे स्क्रीन लावून पंतप्रधानांचे भाषण लाइव्ह दाखवण्याची व्यवस्था करण्याचे निर्देशही दिले आहेत. तत्पूर्वी सकाळी ९ वाजता सर्वांनी देशभरात पक्षाचा झेंडा फडकावा आणि पक्षाची टोपी घालावी, असे निर्देश देण्यात आले आहेत. ध्वजारोहणानंतर पक्षाचे कार्यकर्ते व नेते शोभा यात्राही काढणार आहेत.
९ दिवसांच्या प्रचाराच्या शेवटच्या दिवशी म्हणजे १४ एप्रिल रोजी भाजपचे कार्यकर्ते देशातील सर्व बूथवर बाबासाहेब आंबेडकर यांच्या प्रतिमेला पुष्पहार अर्पण करतील, सार्वजनिक ठिकाणी बाबासाहेबांच्या पुतळ्याला पुष्पहार अर्पण करण्यात येईल.
बाबासाहेबांशी निगडीत पंचतीर्थांच्या विकासासाठी मोदी सरकारने केलेल्या कार्याशी संबंधित पुस्तिकांचे वितरण बुथ स्तरापर्यंत करण्यात येणार आहे. लोकसेवा, दलितांच्या भेटी घेऊन गुणवंत विद्यार्थ्यांचा सत्कार यासह अनेक कामे भाजपचे कार्यकर्ते करताना दिसतील.