LIC Pension : LIC च्या या योजनेचे नाव सरल पेन्शन आहे. ही एकल प्रिमियम पेन्शन योजना असून यामध्ये प्रिमियम केवळ पॉलिसी घेत असताना भरावा लागतो. या योजनेअंतर्गत जर तुम्ही एकरकमी रक्कम जमा केली तर तुम्हाला वयाच्या 40 व्या वर्षीही पेन्शन मिळते.
त्यामुळे जर तुम्हालाही सुरक्षित आणि फायदेशीर योजनेत गुंतवणूक करायची असल्यास लाइफ इन्शुरन्स कॉर्पोरेशनची ही योजना तुमच्यासाठी फायद्याची आहे. काय आहे ही योजना? यासाठी कोणत्या अटी आहेत? जाणून घेऊयात सविस्तरपणे.
जाणून घ्या पात्रता
या योजनेच्या पात्रतेबद्दल बोलायचे झाले तर 40 ते 80 वर्षे वयोगटातील कोणतीही व्यक्ती या वार्षिक पेन्शन योजनेची सदस्यता घेण्यास किंवा खरेदी करण्यास पात्र ठरते . कंपनीच्या अधिकृत वेबसाइटवर उपलब्ध असणाऱ्या LIC सरल पेन्शन योजनेच्या तपशीलानुसार, पॉलिसीधारकाला या योजनेअंतर्गत कमीत कमी ₹1,000 मासिक पेन्शन किंवा ₹12,000 वार्षिक पेन्शन निवडता येते.
एका व्यक्तीला या पेन्शनसाठी, ₹2.50 लाख एकरकमी प्रीमियम भरावा लागणार आहे. तर त्याला एकूण ₹10 लाखाच्या एका प्रीमियमच्या गुंतवणुकीवर वार्षिक ₹50,250 पेन्शन मिळू शकते. तसेच, जर एखाद्या गुंतवणूकदाराला या योजनेंतर्गत ₹1 लाख वार्षिक पेन्शन हवी असल्यास त्याला/तिला ₹20 लाखांचा आगाऊ एकल प्रीमियम भरावा लागणार आहे.
जाणून घ्या योजनेची माहिती
कर्जाचा लाभ: या LIC योजनेच्या प्रारंभापासून सहा महिने पूर्ण झाल्यानंतर, गुंतवणूकदाराला कर्जाची सुविधा मिळते.
एक्झिट प्लॅन: तसेच गुंतवणूकदार एलआयसी सरल पेन्शन प्लॅन सुरू झाल्यानंतर सहा महिन्यांनंतर बाहेर पडू शकतो.
जाणून घ्या व्याज दर: वार्षिकी योजना सुमारे 5 टक्के हमी वार्षिक परतावा देत आहे.
आजीवन पेन्शन लाभ: ही पेन्शन योजना संपूर्ण आयुष्याची पॉलिसी असून याचा अर्थ असा की तो पॉलिसीधारक स्थापनेनंतर संपूर्ण आयुष्यासाठी वार्षिक किंवा मासिक पेन्शनसाठी पात्र असतो.
नामनिर्देशित व्यक्तीसाठी मृत्यू लाभ: या पेन्शन प्लॅन सदस्याच्या मृत्यूनंतर, मूळ प्रीमियम नामनिर्देशित व्यक्तीला परत देण्यात येतो.
मॅच्युरिटी बेनिफिट नाही: हे लक्षात घ्या की यात मॅच्युरिटी बेनिफिट मिळत नाही कारण पॉलिसीधारकाच्या आयुष्यापर्यंत पेन्शन देण्यात येते.
