Maharashtra Rain : मान्सूनच्या (Monsoon) पावसाचा दुसरा टप्पा सुरु झाला असला तरी तो अजूनही महाराष्ट्रात धो धो कोसळताना दिसत आहे. राज्यातील काही नद्यांना मुसळधार पावसामुळे (Heavy Rain) पूर आला आहे. त्यामुळे नद्याकाठच्या गावांना सतर्कतेचा इशारा देण्यात आला आहे. येत्या काही तासांत मुसळधार पावसाचा इशारा भारतीय हवामान खात्याकडून (IMD) देण्यात आला आहे.
महाराष्ट्रात पावसाची संततधार सुरू आहे. भारतीय हवामानशास्त्र विभागाच्या (IMD) मते, या आठवड्यातही महाराष्ट्राच्या विविध भागात हलका ते जोरदार पाऊस पडेल. हवामान केंद्र मुंबई (Weather Center Mumbai) ने सोमवारसाठी राज्यातील अनेक जिल्ह्यांमध्ये अलर्ट जारी केला आहे.
हवामान खात्याने पालघर, ठाणे, जळगाव, नाशिक, कोल्हापूर, औरंगाबाद, जालना, परभणी, हिंगोली, अकोला, अमरावती, भंडारा, बुलढाणा, चंद्रपूर, गोंदिया, गडचिरोली, नागपूर, वर्धा, वाशीम आणि यवतमाळमध्ये पिवळा अलर्ट जारी केला आहे.
दुसरीकडे रायगड, रत्नागिरी, पुणे आणि सातारा येथे ऑरेंज अलर्ट जारी करण्यात आला आहे. याशिवाय 16 ऑगस्ट रोजी रायगड, रत्नागिरी, सातारा, चंद्रपूर, गोंदिया, गडचिरोली, वाशीम आणि यवतमाळमध्ये यलो अलर्ट जारी करण्यात आला आहे.
त्याचवेळी पुण्यात ऑरेंज अलर्ट (Orange Alert) सुरू आहे. अमरावती, गोंदिया, 17 ऑगस्टला नागपूर आणि 18 ऑगस्टला गडचिरोलीसाठी यलो अलर्ट जारी करण्यात आला आहे. यानंतरही पावसाचा अंदाज आहे.
तत्पूर्वी रविवारीही राज्यात अनेक ठिकाणी पाऊस सुरूच होता. दुसरीकडे, राज्यातील हवेच्या गुणवत्तेचा निर्देशांक बहुतांश शहरांमध्ये ‘चांगल्या ते समाधानकारक’ श्रेणीत नोंदवला जात आहे. या आठवड्यातही तो त्याच श्रेणीत राहण्याची अपेक्षा आहे.
या आठवड्यात महाराष्ट्रातील प्रमुख जिल्ह्यांमध्ये हवामान कसे असेल ते जाणून घेऊया.
मुंबई
सोमवारी मुंबईत कमाल तापमान 30 आणि किमान तापमान 24 अंश सेल्सिअस राहण्याचा अंदाज आहे. आठवडाभर आकाश ढगाळ राहील. सोमवार आणि मंगळवारी मध्यम, बुधवारी हलका आणि गुरुवारी पुन्हा मध्यम,
तर शुक्रवार आणि शनिवारी मुसळधार पाऊस पडू शकतो. या आठवड्याच्या अखेरीस कमाल तापमान 31 आणि किमान तापमान 24 अंश सेल्सिअस राहील. हवेचा दर्जा निर्देशांक ‘चांगल्या’ श्रेणीत 41 वर नोंदवला गेला.
पुणे
पुण्यात कमाल तापमान 26 तर किमान तापमान 22 अंश सेल्सिअस राहण्याचा अंदाज आहे. येथेही संपूर्ण आठवडा ढगाळ वातावरण राहील. सोमवार आणि मंगळवारी मध्यम, बुधवार, गुरुवार आणि शुक्रवारी हलका, तर शनिवारी मुसळधार पावसाची शक्यता आहे.
आठवड्याच्या अखेरीस कमाल तापमान 29 अंश सेल्सिअस आणि किमान तापमान 22 अंश सेल्सिअसच्या आसपास राहण्याची शक्यता आहे. हवेच्या गुणवत्तेचा निर्देशांक ‘चांगल्या’ श्रेणीत 50 वर नोंदवला गेला आहे.
नागपूर
नागपुरात कमाल तापमान 28 अंश सेल्सिअस तर किमान तापमान 23 अंश सेल्सिअस राहण्याचा अंदाज आहे. संपूर्ण आठवडा ढगाळ राहील. सोमवार ते शनिवार दरम्यान, एक किंवा दोनदा पाऊस किंवा मेघगर्जनेसह पाऊस पडू शकतो.
आठवड्याच्या अखेरीस कमाल तापमान 29 आणि किमान तापमान 23 अंश सेल्सिअस राहण्याची शक्यता आहे. हवेचा दर्जा निर्देशांक 29 आहे, जो ‘चांगल्या’ श्रेणीत येतो.
नाशिक
नाशिकमध्ये कमाल तापमान 26 अंश सेल्सिअस तर किमान तापमान 22 अंश सेल्सिअस राहण्याचा अंदाज आहे. आठवडाभर आकाश ढगाळ राहील. सोमवार आणि मंगळवारी मध्यम, बुधवार आणि गुरुवारी हलका पाऊस, तर शुक्रवार आणि शनिवारी मुसळधार पाऊस पडू शकतो.
आठवड्याच्या अखेरीस कमाल तापमान 29 तर किमान तापमान 23 अंश सेल्सिअस राहील. हवेचा दर्जा निर्देशांक ‘समाधानकारक’ श्रेणीत 80 आहे.
औरंगाबाद
औरंगाबादमध्ये कमाल तापमान 28 अंश सेल्सिअस आणि किमान तापमान 21 अंश सेल्सिअस राहण्याचा अंदाज आहे. या आठवड्यात ढगाळ वातावरण राहील. सोमवारी हलका पाऊस, तर मंगळवार, बुधवार आणि गुरुवारी हलक्या पावसाची शक्यता आहे.
शुक्रवार आणि शनिवारी पाऊस किंवा सरी पडण्याची शक्यता आहे. आठवड्याच्या अखेरीस कमाल तापमान 30 आणि किमान तापमान 22 अंश सेल्सिअस राहण्याची शक्यता आहे. हवेचा दर्जा निर्देशांक ‘चांगल्या’ श्रेणीत 50 आहे.