Maruti Suzuki Alto: नवीन अल्टोची किंमत असू शकते इतकी कमी, आता फक्त काही दिवसांची प्रतीक्षा करा……

Maruti Suzuki Alto: मारुती सुझुकी (Maruti Suzuki) या महिन्यात आपली सर्वाधिक विक्री होणारी कार अल्टो (alto) एका नवीन स्टाईलमध्ये लॉन्च करणार आहे. 18 ऑगस्ट रोजी कंपनी नेक्स्ट जनरेशन अल्टो लॉन्च करणार आहे. कंपनीने नवीन अल्टोमध्ये अनेक बदल केले आहेत.

मारुतीची एंट्री-लेव्हल हॅचबॅक कार (An entry-level hatchback car) कंपनीच्या सर्वात लोकप्रिय कारपैकी एक आहे. मारुती सुझुकीने अलीकडेच ग्रँड विटारा (grand vitara) आणि न्यू ब्रेझा (New Brezza) बाजारात लॉन्च केले आहेत. आता कंपनी नवीन अल्टो घेऊन येत आहे.

किंमत किती असेल –

मारुतीने अद्याप नवीन अल्टोच्या किमती जाहीर केल्या नाहीत. मात्र त्याची किंमत जुन्या अल्टोपेक्षा जास्त असेल, असे मानले जात आहे. अल्टोची सध्याची किंमत 3.39 लाख रुपये (एक्स-शोरूम) पासून सुरू होते. अशा परिस्थितीत नवीन अल्टोची किंमत 4 लाख रुपयांपेक्षा जास्त होऊ शकते.

नेक्स्ट जनरेशन अल्टो 2022 (Next Generation Alto 2022) मारुती सुझुकीच्या हलक्या वजनाच्या HEARTECT प्लॅटफॉर्मवर विकसित करण्यात आली आहे. S-Presso, Wagon R आणि Celerio सारख्या लोकप्रिय हॅचबॅक कार्स या प्लॅटफॉर्मवर तयार करण्यात आल्या आहेत. नवीन अल्टोला सध्याच्या अल्टोपेक्षा जास्त जागा मिळणार आहे.

समोरचा देखावा छान असेल –

नवीन अल्टोचा फ्रंट उत्कृष्ट असेल. कंपनी त्याच्या समोर एक मोठी ग्रील देऊ शकते. तसेच यात नवीन हेडलॅम्प आणि बंपर पाहायला मिळतील. नवीन अल्टोची मागील प्रोफाइलही उत्तम असेल.

चांगल्या टेललाइट्ससह नवीन रूफलाइन आगामी अल्टोमध्ये देखील दिसू शकते. नवीन अल्टो मधील नवीनतम वैशिष्ट्यांबद्दल बोलायचे तर, यात नवीन डॅशबोर्ड, Android Auto आणि Apple कार प्ले सपोर्ट, कीलेस एंट्री आणि पुश बटण स्टार्ट-स्टॉप बटण असेल.

नवीन अल्टो या इंजिनसह येईल –

नवीन अल्टोच्या इंजिनबद्दल बोलायचे झाल्यास, यात 796cc 3 सिलेंडर पेट्रोल इंजिन तसेच 1.0 लीटर K10C Dualjet पेट्रोल इंजिन मिळेल. याशिवाय, अल्टो आधीपासून अस्तित्वात असलेल्या 796 सीसी पेट्रोल युनिटसह येऊ शकते. नवीन अल्टो मॅन्युअल आणि ऑटोमॅटिक ट्रान्समिशन पर्यायांसह येईल.

नवीन अल्टोच्या इंटिरिअरमध्ये अपडेटेड इन्स्ट्रुमेंट कन्सोल, टचस्क्रीन इन्फोटेनमेंट सिस्टम आणि स्टीयरिंग-माउंटेड कंट्रोल्स यांसारखी वैशिष्ट्ये पाहता येतील. मारुतीने नेक्स्ट जनरेशन अल्टोच्या दरवाज्यात फ्लॅप प्रकारचे हँडल दिले आहेत. तसेच, हे पॉवर-ऑपरेटेड ब्लॅक ORVM सह येईल.