VLC Media Player Banned: व्हीएलसी मीडिया प्लेयर (vlc media player) हे केवळ नाव नाही तर एक फिलिंग आहे. एक मोठी लोकसंख्या बर्याच काळापासून हा व्हिडिओ प्लेयर वापरत आहे. मात्र आता तुम्ही ते वापरू शकणार नाही. व्हिडिओ प्लेयर सॉफ्टवेअर (video player software) आणि स्ट्रीमिंग मीडिया सर्व्हर VLC मीडिया प्लेयरवर भारतात बंदी आहे. मात्र ही घटना आज घडलेली नाही.
हा प्रकार सुमारे दोन महिन्यांपूर्वी घडला. मीडियानामाच्या रिपोर्टनुसार, भारतात VLC मीडिया प्लेयरवर बंदी घालण्यात आली आहे. मात्र, त्यावर पूर्णपणे बंदी नाही. म्हणजेच जर तुम्ही हे सॉफ्टवेअर आधीच डिव्हाइसवर स्थापित केले असेल, तर ते कार्य करत राहील. बंदीबाबत कंपनी किंवा सरकारकडून कोणतीही माहिती आलेली नाही.
चीनमुळे बंदी? –
काही रिपोर्ट्सनुसार, चायनीज कनेक्शनमुळे (Chinese Connection) व्हीएलसी मीडिया प्लेयरवर बंदी (ban on VLC media player) घालण्यात आली आहे. या प्लॅटफॉर्मचा वापर चीनी हॅकिंग ग्रुप सिकाडोने (Chinese hacking group Cicado) सायबर हल्ल्यासाठी केला होता. काही महिन्यांपूर्वी, सुरक्षा तज्ञांना असे आढळून आले की, Cicado संशयित मालवेअर लोडरचा (malware loader) प्रसार करण्यासाठी VLC Media Player वापरत आहे.
हा गट मोठा सायबर हल्ला (cyber attack) करण्यासाठी मालवेअर पसरवत आहे. रिपोर्ट्सनुसार, ही सॉफ्ट बॅन आहे आणि या कारणास्तव सरकार किंवा अॅपकडून कोणतीही अधिकृत माहिती देण्यात आलेली नाही.
वेबसाइट उघडत नाही किंवा डाउनलोड होत नाही –
ट्विटरवरील काही वापरकर्ते या मीडिया प्लेयरवर बंदी घालण्याचे नेमके कारण शोधत आहेत. सध्या तुम्ही त्याची वेबसाईट भारतात वापरू शकत नाही. व्हीएलसी मीडिया प्लेयरची वेबसाइट आणि डाउनलोड लिंकवर देशात बंदी घालण्यात आली आहे.
याचा अर्थ असा आहे की, या क्षणी देशातील कोणीही या वेबसाइटवर प्रवेश करू शकत नाही. ज्या यूजर्सनी हे सॉफ्टवेअर आधीच इन्स्टॉल केले आहे ते नक्कीच ते वापरू शकतात. अहवालांवर विश्वास ठेवला तर, सर्व प्रमुख ISP वर बंदी घालण्यात आली आहे.
2020 सालापासून आतापर्यंत भारत सरकारने शेकडो संशयास्पद अॅप्सवर बंदी घातली आहे. अलीकडे BGMI (बॅटलग्राउंड्स मोबाइल इंडिया) या लोकप्रिय मोबाइल गेमवर बंदी घालण्यात आली आहे.
हा खेळ सुरुवातीपासूनच वादग्रस्त ठरला आहे. Krafton लाँच केल्यावर, हे PUBG मोबाईलचे रीब्रँडेड व्हर्जन असल्याचे सांगितले जात होते. PUBG मोबाईल हे पहिले अॅप आहे ज्यावर 2020 मध्ये सरकारने बंदी घातली होती.